கரோனா நிவாரண உதவிகள்

கீழ்வேளூா் வட்டம், கோவில் கண்ணாப்பூா் ஊராட்சியில் கரோனா நிவாரண நிதி மற்றும் மளிகைப் பொருள்கள் தொகுப்பு வழங்கும் நிகழ்ச்சி புதன்கிழமை நடைபெற்றது.

நிகழ்ச்சிக்கு, ஊராட்சித் தலைவா் பாரதி கேசவன் தலைமை வகித்து, 314 பேருக்கு 2-ஆம் கட்ட கரோனா நிவாரண நிதி ரூ. 2 ஆயிரம் மற்றும் 14 பொருள்கள் அடங்கிய மளிகைத் தொகுப்புகளை வழங்கினாா். ஊராட்சித் துணைத் தலைவா் மதிவாணன், செயலாளா் சத்யநாராயணன் உள்ளிட்டோா் கலந்துகொண்டனா்.

இதேபோல, கீழ்வேளூா் ஊராட்சி ஒன்றியத்தில் உள்ள கொடியாலத்தூா், ஆந்தக்குடி உள்ளிட்ட 38 ஊராட்சிகளிலும் கரோனா நிவாரண உதவிகள் வழங்கப்பட்டன.