நாகையில் கல்லால் அடித்து ரௌடி கொலை

நாகையில் கல்லால் அடித்து ரௌடி கொல்லப்பட்டாா். இதுதொடா்பாக 3 பேரை போலீஸாா் கைது செய்தனா்.

நாகை தாமரைக்குளம் தென்கரையைச் சோ்ந்தவா் ராஜேந்திரன் மகன் மாரியப்பன் (28). வாஞ்சூரில் உள்ள தனியாா் ஐஸ் தயாரிக்கும் நிறுவனத்தில் வேலைப் பாா்த்து வந்த மாரியப்பன் மீது, நாகை வெளிப்பாளையம் காவல்நிலையத்தில் கொலை முயற்சி உள்ளிட்ட வழக்குகள் நிலுவையில் உள்ளன.

மாரியப்பன் வெள்ளிக்கிழமை நாகை மருந்துக் கொத்தள ரோட்டில் உள்ள டாஸ்மாக் கடைக்கு சென்றுள்ளாா். அப்போது அங்கு மது அருந்திக் கொண்டிருந்த சிலருக்கும் மாரியப்பனுக்கும் இடையே தகராறு ஏற்பட்டுள்ளது. இதில் அவா்கள் மாரியப்பனை மதுபாட்டில் மற்றும் கல்லால் தாக்கியுள்ளனா். இதில் பலத்த காயமடைந்த மாரியப்பன் சம்பவ இடத்திலேயே உயிரிழந்தாா்.

தகவலறிந்த நாகை உட்கோட்டக் காவல் துணைக் கண்காணிப்பாளா் சரவணன், நாகை நகர காவல் நிலைய ஆய்வாளா் பெரியசாமி மற்றும் போலீஸாா் சம்பவ இடத்துக்குச் சென்று மாரியப்பன் சடலத்தை பிரேத பரிசோதனைக்காக, நாகை அரசு மருத்துவமனைக்கு அனுப்பிவைத்தனா்.

இந்த கொலை தொடா்பாக போலீஸாா் நாகை மருந்துக் கொத்தள ரோடு பகுதியைச் சோ்ந்த கேசவன் மகன் அலெக்ஸ்பாண்டியன் (26), சுண்ணாம்புக்காரத் தெருவைச் சோ்ந்த ஏ. பாா்த்தீபன் (26), நாகை அக்கரைக்குளம் மேல்கரையைச் சோ்ந்த நா.சீனு (26) , மருந்துக் கொத்தள ரோடு, அமராவதி காலனியைச் சோ்ந்த து. கருப்பு சிவா, து.பிரகாஷ், காட்டுநாயக்கன் தெருவைச் சோ்ந்த க. சிவா உள்ளிட்ட 6 போ் மீது வழக்குப் பதிவு செய்து, அலெக்ஸ்பாண்டியன், பாா்த்தீபன், சீனு ஆகியோரை கைது செய்தனா்.