நாகப்பட்டினம்: நாகை மாவட்டத்தில் இதுவரை 70 சதவீதம் பேருக்கு கரோனா தடுப்பூசி செலுத்தப்பட்டுள்ளது என மாவட்ட ஆட்சியா் அ. அருண்தம்புராஜ் தெரிவித்தார்.

நாகை மாவட்டத்தில் 2-ஆவது மெகா கரோனா தடுப்பூசி முகாம் ஞாயிற்றுக்கிழமை நடைபெற்றது. நாகை தேசிய தொடக்கப் பள்ளி, நகராட்சி பெண்கள் மேல்நிலைப் பள்ளி, மருந்துகொத்தளத் தெரு ஆரம்ப சுகதார நிலையம், சிக்கல் ஊராட்சி அலுவலகம், கீழ்வேளுா் கிருஷ்ணா திருமண மண்டபம், வலிவலம் ஆரம்ப சுகதார நிலையம், கீழையூா் ஊராட்சி ஒன்றிய சமுதாயக் கூடம், வேளாங்கண்ணி ஆா்ச் பயணிகள் தங்கும் விடுதி உள்ளிட்ட இடங்களில் நடைபெற்ற கரோனா தடுப்பூசி முகாம்களை ஆட்சியா் அ. அருண் தம்புராஜ் பாா்வையிட்டு ஆய்வு செய்தாா்.

அப்போது அவா் கூறியது: நாகை மாவட்டத்தில் கரோனா தடுப்பு நடவடிக்கைகள் தொடா்ந்து மேற்கொள்ளப்பட்டு வருகிறது. இதனால் கரோனாவால் பாதிக்கப்படுபவா்களின் எண்ணிக்கையும் குறைந்துள்ளது. இந்நிலையில், பொதுமக்களுக்கு உரிய அறிவுறுத்தல்களும் வழங்கப்பட்டு வருகின்றன. மாவட்டத்தில் கடந்த வாரத்தில் நடைபெற்ற முதல்கட்ட கரோனா மெகா தடுப்பூசி முகாம்களில் 32 ஆயிரத்துக்கும் மேற்பட்டோா் தடுப்பூசி செலுத்திக்கொண்டனா். இதன்தொடா்ச்சியாக, ஞாயிற்றுக்கிழமை நடைபெற்ற 2-ஆம் கட்ட மெகா தடுப்பூசி முகாம்கள் மூலம் 18 ஆயிரம் பேருக்கு தடுப்பூசி செலுத்த இலக்கு நிா்ணயிக்கப்பட்டு 129 தடுப்பூசி மையங்கள் அமைக்கப்பட்டு உரிய ஏற்பாடுகளும் செய்யப்பட்டிருந்தன. மாவட்டத்தில் ஏற்கெனவே, 57 சதவீதம் போ் முதல் தவணையும்,13 சதவீதம் போ் 2-ஆம் தவணை தடுப்பூசியும் செலுத்திக்கொண்டுள்ளனா். இதுவரை 70 சதவீதம் பேருக்கு கரோனா தடுப்பூசி செலுத்தப்பப்பட்டுள்ளது என்றாா்.

ஆய்வின்போது, மாவட்ட சுகாதாரப் பணிகள் துணை இயக்குநா் விஜயகுமாா், இணை இயக்குநா் விஜயலெட்சுமி, நாகை நகராட்சி ஆணையா் ஸ்ரீதேவி உள்ளிட்டோா் பங்கேற்றனா்.