தோ்தல் பாதுகாப்பு நடவடிக்கைகள் ஆலோசனைக் கூட்டம்

நாகை மாவட்ட நகா்ப்புற உள்ளாட்சித் தோ்தல் பாதுகாப்புப் பணிகள் குறித்த ஆலோசனைக் கூட்டம் நாகையில் வியாழக்கிழமை நடைபெற்றது.

மாவட்ட ஆட்சியா் அ. அருண் தம்புராஜ் தலைமை வகித்தாா். மாவட்டத் தோ்தல் பாா்வையாளா் பிரவீன்குமாா், மாவட்டக் காவல் கண்காணிப்பாளா் கு. ஜவஹா் ஆகியோா் முன்னிலை வகித்தனா். தோ்தல் நடைபெறும் பகுதிகளில் தோ்தல் நடத்தை விதிகள் குறித்த கண்காணிப்பு மற்றும் வாக்குச் சாவடிகள் மற்றும் வாக்கு எண்ணிக்கை மையங்களில் மேற்கொள்ள வேண்டிய பாதுகாப்பு நடவடிக்கைகள் குறித்து இந்தக் கூட்டத்தில் ஆலோசிக்கப்பட்டது. கூடுதல் காவல் கண்காணிப்பாளா்கள், துணை காவல் கண்காணிப்பாளா்கள், காவல் ஆய்வாளா்கள், காவல் உதவி ஆய்வாளா்கள் பங்கேற்றனா்.