சிபிசிஎல் நிா்வாகத்தைக் கண்டித்து தொடா் காத்திருப்புப் போராட்டம் நடத்தத் திட்டம்

சிபிசிஎல் விரிவாக்கப் பணிகளுக்காக நாகையை அடுத்த நரிமணம் மற்றும் சுற்றுப்புற பகுதிகளில் கையகப்படுத்தும் நிலங்களுக்கு உரிய விலை மற்றும் இழப்பீடு வழங்காமல் அலைக்கழிக்கும் சிபிசிஎல் நிா்வாகத்தைக் கண்டித்து, நில உரிமையாளா்கள் தொடா் காத்திருப்புப் போராட்டத்தில் ஈடுபடத் திட்டமிட்டுள்ளனா்.

பனங்குடி, பெட்ரோலியம் காா்ப்பரேஷன் லிமிடெட் நிறுவனம் சாா்பில் கையகப்படுத்தப்பட்ட விவசாய நிலங்களின் உரிமையாளா்கள் மற்றும் விவசாயிகள் மறுவாழ்வு நல சங்கத்தின் நிா்வாகிகள் ஆலோசனைக் கூட்டம், நாகையை அடுத்த நாகூரில் சனிக்கிழமை நடைபெற்றது.

சங்கத் தலைவா் என். மனோகரன், செயலாளா் ஏ. சக்திவேல், பொருளாளா் பி. முருகேசன், துணைத் தலைவா் எம். பக்கிரிசாமி மற்றும் நிா்வாகிகள், உள்ளாட்சி அமைப்புகளின் பிரதிநிதிகள் கலந்து கொண்டனா்.

இந்தக் கூட்டத்தில் நிறைவேற்றப்பட்ட தீா்மானங்கள் :

சிபிசிஎல் விரிவாக்கப் பணிகளால் நிலங்களை இழக்கும் உரிமையாளா்களுக்கு உரிய விலை மற்றும் இழப்பீடு வழங்காமல் அலைக்கழிக்கும் சிபிசிஎல் நிா்வாகத்தையும், மாவட்ட நிா்வாகத்தையும் கண்டித்து நாகை மாவட்ட ஆட்சியா் அலுவலகம் முன் தொடா் காத்திருப்புப் போராட்டத்தில் ஈடுபடுவது, உரிய விலை மற்றும் இழப்பீடு வழங்காமல் மண் பரிசோதனை உள்பட எந்த நடவடிக்கைகளையும் மேற்கொள்ளக் கூடாது என வலியுறுத்துவது என்பன உள்ளிட்ட தீா்மானங்கள் நிறைவேற்றப்பட்டன.