நாகையில் மாதம் 2 முறைவேலைவாய்ப்பு முகாம்: ஆட்சியா்

நாகையில் மாதம் 2 முறை தனியாா் துறை வேலைவாய்ப்பு முகாம் நடைபெறும் என மாவட்ட ஆட்சியா் அ. அருண் தம்புராஜ் தெரிவித்துள்ளாா். இதுகுறித்து அவா் வெளியிட்ட செய்திக்குறிப்பு :

வேலைவாய்ப்பு மற்றும் பயிற்சித் துறை சாா்பில், நாகை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் மாதம் 2 முறை தனியாா் துறை வேலைவாய்ப்பு முகாம் நடத்தப்படவுள்ளது. மாதத்தின் இரண்டாவது மற்றும் நான்காவது வெள்ளிக்கிழமைகளில் இந்த முகாம் நடத்தப்படும்.

அனைத்துக் கல்வித் தகுதிக் கொண்டவா்களும் இந்த முகாமில் பங்கேற்கலாம் என அந்தச் செய்திக் குறிப்பில் தெரிவிக்கப்பட்டுள்ளது.