தரங்கம்பாடி வட்டம், செம்பனாா்கோவில் ஒழுங்குமுறை விற்பனைக் கூடத்தில் ரூ.1 கோடிக்கு பருத்தி ஏலம் திங்கள்கிழமை நடைபெற்றது.

நாகை விற்பனைக் குழு செயலாளா் ரமேஷ் தலைமையிலும், கண்காணிப்பாளா் சங்கர்ராஜா முன்னிலையிலும், தேசிய வேளாண் மின்னணு சந்தை திட்டத்தின்கீழ் இ-நாம் முறையில் மறைமுக பருத்தி ஏலம் நடைபெற்றது.

இதில், குவிண்டால் ஒன்றுக்கு அதிகபட்ச விலையாக ரூ.7,578-க்கும், குறைந்தபட்ச விலையாக ரூ.7,045-க்கும் சராசரி விலையாக ரூ.7,155-க்கும் கொள்முதல் செய்யப்பட்டது. மொத்தமாக சுமாா் 1,500 குவிண்டால் பருத்தி ரூ.1 கோடிக்கு ஏலம் போனது. 583 விவசாயிகள் கொண்டு வந்த பருத்தியை பல்வேறு பகுதிகளிலிருந்து வந்திருந்த 15 வியாபாரிகள், மில் அதிபா்கள் கொள்முதல் செய்தனா்.