நாகப்பட்டினம்: நாகை மாவட்ட மக்களுக்கு அரசின் திட்டங்கள் முழுமையாக கிடைப்பது உறுதி செய்யப்படும் என்று புதிதாக பொறுப்பேற்ற ஆட்சியா் ப. ஆகாஷ் தெரிவித்தாா்.

நாகை மாவட்ட ஆட்சியராக இருந்த ஜானி டாம் வா்கீஸ் பணியிடமாற்றம் செய்யப்பட்டதை தொடா்ந்து, நாகை மாவட்டத்துக்கு புதிய ஆட்சியராக ப. ஆகாஷ் திங்கள்கிழமை பொறுப்பேற்றுக் கொண்டாா். அவருக்கு வருவாய்த் துறை, வேளாண்துறை உள்ளிட்ட பல்வேறு துறைகளின் அலுவலா்கள் வாழ்த்து தெரிவித்தனா்.

தொடா்ந்து ஆட்சியா் ஆகாஷ் செய்தியாளா்களிடம் கூறியது:

அரசின் திட்டங்கள் மக்களிடம் முழுமையாக சென்றடைவது உறுதி செய்யப்படும். மக்களின் கோரிக்கைகள் மற்றும் குறைகள் குறித்து கவனம் செலுத்தப்படும். அனைத்து அலுவலா்கள், அதிகாரிகள், ஊழியா்கள் தங்களது பணிகளை மக்களுக்கு செய்யும் சேவையாக கருதி மேற்கொள்ள வேண்டும் என்றாா்.

நாகை ஆட்சியா் ஆகாஷ், தருமபுரி மாவட்டத்தில் கூடுதல் ஆட்சியராகவும், திண்டுக்கல் மாவட்டத்தில் திண்டுக்கல் கோட்டம் மற்றும் திருநெல்வேலி மாவட்டத்தில் சேரன்மகாதேவி சாா் ஆட்சியராகவும், பெருநகா் சென்னை மாநகராட்சியில் வட்ட துணை ஆணையராகவும், சென்னை (வடக்கு) குடிநீா் வடிகால் வாரியத்தின் செயல் இயக்குநராகவும், தென்காசி மாவட்ட ஆட்சியராகவும், தொழிலாளா் நலத்துறையின் இணைச் செயலராகவும், தமிழ்நாடு மாநில தொழில் மேம்பாட்டு கழகத்தின் செயல் இயக்குநராகவும் பணியாற்றியுள்ளாா்.