மன்னார்குடி வட்டம், கோட்டூர் ஊராட்சி ஒன்றியப் பகுதிகளில் பயிர்க் காப்பீடு இழப்பீட்டுத் தொகை  வழங்கப்படாததைக் கண்டித்து, தொடர் போராட்டம் நடத்தவுள்ளதாக  மார்க்சிஸ்ட்  கம்யூனிஸ்ட்  கட்சி அறிவித்துள்ளது.
இதுதொடர்பாக,  அக்கட்சியின் மாவட்டச் செயலர் ஐ.வி. நாகராஜன் ஞாயிற்றுக்கிழமை வெளிட்ட அறிக்கை:
கோட்டூர் ஊராட்சி ஒன்றியத்தில் உள்ள கோட்டூர், குன்னியூர், ரெங்கநாதபுரம், செருகளத்தூர் உள்ளிட்ட  பகுதிகளில் 2016-17 ஆம் ஆண்டிற்கான பயிர்க் காப்பீடு இழப்பீட்டுத் தொகை விவசாயிகளுக்கு வழங்கப்படவில்லை.  இதை உடனடியாக  வழங்க வலியுறுத்தி அக்.25-ஆம்  தேதி, கோட்டூரில் நடைபெறவுள்ள மார்க்சிஸ்ட்  கம்யூனிஸ்ட் கட்சியின்   ஒன்றிய  மாநாட்டில், தொடர் போராட்ட  இயக்கம் நடத்துவது   குறித்து தீர்மானம்  நிறைவேற்றப்படவுள்ளது என தெரிவித்துள்ளார்.