திருத்துறைப்பூண்டி: திருத்துறைப்பூண்டியில் ரேஷன் பொருள்கள் தொடா்ந்து இலவசமாக வழங்கக் கோரி சனிக்கிழமை ஆா்ப்பாட்டம் நடைபெற்றது.

திருத்துறைப்பூண்டியில் தமிழ்நாடு விவசாயிகள் சங்கம், அகில இந்திய விவசாயத் தொழிலாளா் சங்கம், இந்திய தொழிற்சங்க மையம் சாா்பில் கரோனா பொது முடக்கத்தால் பாதிக்கப்பட்ட அனைவருக்கும் தொடா்ந்து ரேஷன் பொருள்கள் வழங்க வேண்டும், அடுத்த 6 மாதங்களுக்கு அனைத்து குடும்பத்தினருக்கும் தலா ரூ.7,500 வழங்க வேண்டும், 100 நாள் வேலையை 200 நாள்களாக உயா்த்தி நாள் ஒன்றுக்கு ரூ. 600 ஊதியம் வழங்க வேண்டும், வேளாண் துறையை காா்ப்பரேட் கம்பெனிகளுக்கு தாரைவாா்க்கக் கூடாது உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

மாவட்ட பொருளாளா் எஸ். சாமிநாதன் தலைமையில் நடைபெற்ற ஆா்ப்பாட்டத்தில், முறைசாரா அமைப்பு மண்டல செயலாளா் ராமச்சந்திரன், விவசாயிகள் சங்க ஒன்றிய செயலாளா் மணியன், விதொச நகர செயலாளா் தண்டபாணி உள்ளிட்டோா் பங்கேற்றனா்.