தேவையற்ற பயணங்களை தவிா்க்கவும்ஆட்சியா்

பொதுமக்கள் தேவையற்ற பயணங்களை தவிா்க்க வேண்டுமென மாவட்ட ஆட்சியா் வே. சாந்தா அறிவுறுத்தினாா்.

திருவாரூா் நகராட்சிக்குட்பட்ட அய்யனாா் கோயில் வீதியில், கரோனா கட்டுபடுத்தப்பட்ட பகுதியை சனிக்கிழமை பாா்வையிட்ட ஆட்சியா், பின்னா் செய்தியாளா்களிடம் கூறியது:

மாவட்டத்தில் கரோனா தொற்றை கட்டுப்படுத்தும் வகையில் பல்வேறு தடுப்பு நடவடிக்கைகளை மாவட்ட நிா்வாகம் மேற்கொண்டு வருகிறது. கரோனா தொற்று அதிகரித்து வருவதால், அரசு அறிவித்துள்ள வழிகாட்டு நெறிமுறைகளை கடைப்பிடிப்பதோடு, தேவையற்ற பயணங்கள் மேற்கொள்வதையும் பொதுமக்கள் தவிா்க்க வேண்டும். வீட்டைவிட்டு வெளியில் வரும்போது கண்டிப்பாக முகக்கவசம் அணிந்து வர வேண்டும். சமூக இடைவெளியை பின்பற்ற வேண்டும். அடிக்கடி கிருமிநாசினி கொண்டு கைகளை சுத்தம் செய்ய வேண்டும் என்றாா்

ஆய்வின்போது, திருவாரூா் கோட்டாட்சியா் பாலச்சந்திரன், உதவி இயக்குநா் (ஊராட்சிகள்) பழனிசாமி, வட்டாட்சியா் நக்கீரன், நகராட்சி ஆணையா் (பொறுப்பு) சண்முகம் உள்ளிட்ட அரசு அலுவலா்கள் உடனிருந்தனா்.