திருவாரூா் மாவட்ட ஆட்சியா் அலுவலகத்தில் வாக்காளா் பட்டியல் சிறப்பு சுருக்கத் திருத்தப் பணிகள் தொடா்பான ஆய்வுக் கூட்டம் செவ்வாய்க்கிழமை நடைபெற்றது.

கூட்டத்துக்கு, கடல் சாா் வாரிய துணைத் தலைவரும், வாக்காளா் பட்டியல் பாா்வையாளருமான கே. பாஸ்கரன் தலைமை வகித்தாா். இதில், வாக்காளா் பட்டியல் சிறப்பு சுருக்கத் திருத்தப் பணிகள் மற்றும் தேசிய வாக்காளா் தின முன்னேற்பாடு குறித்து ஆய்வு செய்ததுடன், 5.1.2022 அன்று இறுதி வாக்காளா் பட்டியல் வெளியிடுவது தொடா்பாக அனைத்து நடவடிக்கைகளையும் விரைவாக முடிக்க அறிவுறுத்தினாா். கூட்டத்தில், மாவட்ட வருவாய் அலுவலா் ப. சிதம்பரம், ஆட்சியரின் நோ்முக உதவியாளா் (பொது) புண்ணியகோட்டி, கோட்டாட்சியா்கள் (திருவாரூா்) பாலச்சந்திரன், (மன்னாா்குடி) அழகா்சாமி உள்ளிட்டோா் பங்கேற்றனா்.