வலங்கைமானில் பருத்தி கொள்முதல்

வலங்கைமான் ஒழுங்குமுறை விற்பனைக்கூடத்தில் வெள்ளிக்கிழமை (ஜூன் 18) நடைபெற்ற ஏலத்தில் 18 குவிண்டல் பருத்தி கொள்முதல் செய்யப்பட்டது.

இதுகுறித்து ஒழுங்குமுறை விற்பனைக்கூட மேலாளா் வீராசாமி தெரிவித்தது:

வலங்கைமான் ஒழுங்குமுறை விற்பனைக் கூடத்தில் வெள்ளிக்கிழமை தோறும் மறைமுக ஏலம் மூலம் பருத்தி கொள்முதல் நடைபெறுகிறது. அதன்படி, ஜூன் 18-ம் தேதி நடந்த மறைமுக பருத்தி ஏலத்தில் அதிகபட்ச விலையாக ஒரு குவிண்டாலுக்கு ரூ.6,889-ம், குறைந்தபட்ச விலையாக ரூ. 6, 639-ம், சராசரி விலையாக ரூ. 6,798-ம் நிா்ணயம் செய்யப்பட்டது. இதில், 12 விவசாயிகள் கொண்டுவந்த 18 குவிண்டால் பருத்தி கொள்முதல் செய்யப்பட்டது. இதன் மதிப்பு ரூ.1,24,924 ஆகும் எனத் தெரிவித்துள்ளாா்.