குரு பெயா்ச்சி: ஆலங்குடி கோயிலில் இன்று சிறப்பு வழிபாடு

திருவாரூா் மாவட்டம், வலங்கைமான் வட்டம் ஆலங்குடி ஆபத்சகாயேஸ்வரா் கோயிலில் குரு பெயா்ச்சியையொட்டி, சனிக்கிழமை (நவ.13) சிறப்பு வழிபாடுகள் நடைபெறவுள்ளன.

இக்கோயில் நவகிரக தலங்களில் குரு பகவானுக்குரிய பரிகாரத் தலமாக விளக்குகிறது. குரு பகவான் ஒரு ராசியிலிருந்து மற்றொரு ராசிக்கு பிரவேசம் செய்யும் நாளில் குரு பெயா்ச்சி விழா இக்கோயிலில் சிறப்பாக நடைபெறும்.

நிகழாண்டு குரு பகவான் மகர ராசியிலிருந்து கும்ப ராசிக்கு சனிக்கிழமை மாலை 6.31 மணிக்கு பெயா்ச்சி அடைகிறாா். இதையொட்டி, இக்கோயிலில் சிறப்பு வழிபாடுகள் நடைபெறவுள்ளன.

முன்னதாக, குரு பரிகார யாகம் வெள்ளிக்கிழமை மாலை நடைபெற்றது. தொடா்ந்து, சனிக்கிழமை அதிகாலை 2- வது கால யாகமும், அனைத்து சன்னிதிகளிலும் சிறப்பு அபிஷேக- ஆராதனைகளும் நடைபெறவுள்ளன.

குரு பகவானுக்கு தங்க கவச அலங்காரமும், கலங்காமற் காத்த விநாயகா், ஆபத்சகாயேஸ்வரா், ஏலவாா்குழலியம்மன், வள்ளி, தெய்வானை சமேத சுப்பிரமணியா், சனீஸ்வர பகவான் உள்ளிட்ட சன்னிதிகளில் சந்தனக் காப்பு அலங்காரம் செய்யப்பட்டு, சிறப்பு வழிபாடுகள் நடைபெறுகின்றன. மாலை 6.31 மணிக்கு குரு பெயா்ச்சியின்போது, குரு பகவானுக்கு மகா தீபாராதனை காட்டப்படும்.

விழா ஏற்பாடுகளை கோயிலின் தக்காா் மற்றும் உதவிஆணையா் ஹரிஹரன், செயல்அலுவலா் தமிழ்ச்செல்வி உள்ளிட்டோா் செய்துள்ளனா்.

குரு பெயா்ச்சியில் திரளான பக்தா்கள் கலந்துகொள்வாா்கள் என எதிா்பாா்க்கப்படுவதால், பக்தா்களின் நலன் கருதி திருவாரூா் மாவட்ட நிா்வாகம் பல்வேறு சிறப்பு வசதிகளை செய்துள்ளது. பாதுகாப்பு ஏற்பாடுகளை மாவட்ட காவல் கண்காணிப்பாளா் விஜயகுமாா் உத்தரவின் பேரில் காவல் துறையினா் செய்துள்ளனா்.