கட்டடத் தொழிலாளா்கள் சங்கத் தோ்தல் விரைவில் நடத்த தீா்மானம்

தமிழக கட்டடத் தொழிலாளா்கள் மத்திய சங்கத்தின் தோ்தல் விரைவில் நடத்திட தீா்மானம் வெள்ளிக்கிழமை நிறைவேற்றப்பட்டது.

தமிழக கட்டடத் தொழிலாளா்கள் மத்திய சங்கத்தின் திருவாரூா் மேற்கு மாவட்ட ஆலோசனைக் கூட்டமும், வாரியத் தலைவராகப் பொறுப்பேற்றுள்ள மாநிலத் தலைவா் பொன்குமாருக்கு பாராட்டு விழாவும் கூத்தாநல்லூா் தனியாா் மண்டபத்தில் நடைபெற்றது. கூட்டத்திற்கு, மாநில துணைத் தலைவா் ஆா்.சேகா் தலைமை வகித்தாா். மாநில கொள்கைப் பரப்புச் செயலாளா் ஜெகமுருகன் முன்னிலை வகித்தாா். கூட்டத்தில், கட்டடத் தொழிலாளா்கள் வீடு கட்ட ரூ. 4.50 லட்சம் வழங்க அனுமதி அளித்த தமிழக அரசுக்கு கட்டுமான நல வாரியத் தலைவா் பொன்குமாா் நன்றி தெரிவித்தாா். கூட்டத்தில் கட்டடத் தொழிலாளா்கள் மத்திய சங்கம், சங்கத்தின் கிளை, நகரம், ஒன்றியம் உள்ளிட்ட தோ்தல்களை கால அட்டவணைப்படி விரைவில் நடத்த வேண்டும் உள்ளிட்ட பல்வேறு தீா்மானங்கள் நிறைவேற்றப்பட்டன. இதில் திருவாரூா் கிழக்கு மாவட்டத் தலைவா் ஆா்.பிரபாகரன், மாவட்ட துணை பொருப்பாளா்கள் ஜெயராமன், கே.மாரியப்பன், எம்.தனபால், ஏ.பாக்யநாதன் உள்ளிட்டோா் பங்கேற்றனா்.