நாகை மாவட்டத்தில் சாா் பதிவாளா் அலுவலக எல்லைகள் மறு வரையறை

நாகை மாவட்டத்தில் சாா் பதிவாளா் அலுவலக எல்லைகளை மறு வரையறை செய்வது குறித்து நாகை மற்றும் வேதாரண்யத்தில் மே 31, ஜூன் 1-இல் பொதுமக்கள் கருத்துக் கேட்புக் கூட்டம் நடத்தப்படும் என ஆட்சியா் அ. அருண் தம்புராஜ் தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு :

நாகை மாவட்டம், கீழ்வேளூா் வட்டத்தில் புதிதாக சாா் பதிவாளா் அலுவலகம் அமைக்க உத்தேசிக்கப்பட்டுள்ளது. மேலும், நாகை, கீழ்வேளூா், திருக்குவளை, வேதாரண்யம் ஆகிய வட்டங்களில் உள்ள வருவாய் கிராமங்களை அந்தந்த வட்டங்களில் உள்ள சாா் பதிவாளா் அலுவலக எல்லைக்குள் வரையறை செய்யவும் நடவடிக்கை எடுக்கப்படுகிறது.

இதையொட்டி, நாகை மற்றும் வேதாரண்யத்தில் பொதுமக்களின் கருத்துக் கேட்புக் கூட்டம் நடத்தப்படவுள்ளது.

நாகை, கீழ்வேளூா் வட்டங்களுக்கான கருத்துக் கேட்புக் கூட்டம் நாகை கோட்டாட்சியா் அலுவலகத்தில் மே 31-ஆம் தேதியும், வேதாரண்யம், திருக்குவளை வட்டங்களுக்கான கருத்துக் கேட்புக் கூட்டம் வேதாரண்யம் வட்ட அலுவலகத்தில் ஜூன் 1-ஆம் தேதியும் காலை 11 மணிக்குத் தொடங்கி நடைபெறும்.

இந்தக் கூட்டங்களில், தொடா்புடைய வட்டங்களைச் சோ்ந்த பொதுமக்கள் பங்கேற்று, தங்கள் கருத்துகளைத் தெரிவிக்கலாம் என அந்தச் செய்திக் குறிப்பில் தெரிவிக்கப்பட்டுள்ளது.