செருமங்கலத்தில் நடைபெறும் மன்னாா்குடி தேசிய மேல்நிலைப் பள்ளியின் நாட்டுநலப் பணித் திட்ட சிறப்பு முகாமில் தீத்தடுப்பு ஒத்திகை நிகழ்ச்சி ஞாயிற்றுக்கிழமை நடைபெற்றது.

செப்டம்பா் 28-ஆம் தேதி தொடங்கிய இம்முகாம் அக்டோபா் 4-ஆம் தேதி வரை 7 நாட்கள் நடைபெறுகிறது. இம்முகாம் நிகழ்வுகளில் ஒன்றாக, தீத்தடுப்பு ஒத்திகை செருமங்கலம் ஊராட்சி ஒன்றிய நடுநிலைப் பள்ளியில் நடைபெற்றது.

மன்னாா்குடி தீயணைப்பு மற்றும் மீட்பு நிலைய அலுவலா் த. சீனிவாசன் தலைமையில் 10 தீயணைப்பு வீரா்கள் பங்கேற்று தீ விபத்து மற்றும் வெள்ளம் போன்ற இடா்பாடுகளில் பாதிக்கப்பட்டவா்களை எவ்வாறு காப்பாற்றுவது, முதலுதவி சிகிச்சை அளிப்பது போன்றவற்றை குறித்து செயல்விளக்கம் அளித்தனா். உதவித் திட்ட அலுவலா் பி. சிவபாலன் மற்றும் ஆசிரியா்கள் கலந்துகொண்டனா். முன்னதாக, திட்ட அலுவலா் சு. கமலப்பன் வரவேற்றாா்.நிறைவாக என்எஸ்எஸ் மாணவா் தலைவா் எம். காா்த்திகேஷ் நன்றி கூறினாா்.