‘எங்கள் குழந்தைகள் விவசாயிகளாக வர விரும்பமாட்டாா்கள்’

புது தில்லி: ‘நாங்கள் படும் துயரைப் பாா்க்கும் எங்கள் குழந்தைகள் எதிா்காலத்தில் விவசாயிகளாக வர விரும்பமாட்டாா்கள்’ என்று தில்லி எல்லையில் போராட்டத்தில் ஈடுபட்டு வரும் விவசாயிகள் தெரிவித்தனா்.

மத்திய அரசு கொண்டுவந்துள்ள மூன்று புதிய வேளாண் சட்டங்களையும் ரத்துச் செய்யவேண்டும் என்று கோரி கடந்த பத்து நாள்களாக தில்லியை ஒட்டியுள்ள டிக்ரி எல்லைப் பகுதியில் விவசாயிகள் தொடா் போராட்டத்தில் ஈடுபட்டு வருகின்றனா். அவா்கள் அங்கேயே தங்கி இருந்து போராட்டம் மேற்கொண்டு வருகின்றனா்.

விவசாயிகள் தங்களது நிலைமை மிகவும் துயரத்துடன் இருப்பதாகவும் இதைப் பாா்க்கும் தங்களது குழந்தைகள் எதிா்காலத்தில் விவசாயத்திற்கு வருவதற்கு விரும்பமாட்டாா்கள் என்று கூறினா்.

இதுகுறித்து காஜிப்பூா் எல்லையில் அமா்ந்து போராட்டத்தில் ஈடுபட்டு வரும் ஹஸ்ஸப் அகமது கூறுகையில், ‘உத்தரப்பிரதேச மாநிலம், ராம்பூா் மாவட்டத்தில் எனது கிராமம் உள்ளது. எனது மூத்த மகன் 12-ஆம் வகுப்பும், இளையமகன் 9-ஆம் வகுப்பும் படித்து வருகின்றனா். எனது நிலையைப் பாா்க்கும் குழந்தைகள் யாரும் விவசாயம் செய்ய விரும்பவில்லை. நல்ல வேலையில் அமரவே விரும்புகின்றனா்.

எங்களுக்கு விவசாயத்தில் பெரிதாக ஒன்றும் கிடைப்பதில்லை. குழந்தைகளுக்கு உணவும், அடிப்படை கல்வி மட்டுமே வழங்க முடிகிறது என்றாா். உ.பி.யை சோ்ந்த 65 வயது முதியவா் தா்யால் சிங் கூறுகையில், ‘எங்கள் கிராமத்தில் உள்ள இளைஞா்கள் ஒரு வா்த்தகரிடம் ரூ.2 ஆயிரம் சம்பளத்திற்கு கூட வேலைக்கு செல்ல தயாராக உள்ளனா். ஆனால், அவா்கள் விவசாயிகளாக விரும்புவதில்லை என்றாா்.

கழிப்பறை வசதியின்றி பெண்கள் அவதி

தில்லி காஜிப்பூா் எல்லையில் போராட்டத்தில் ஈடுபட்டு வரும் பெண்கள் போதிய கழிப்பறை வசதி இல்லாததால் அசெளகரியமடைந்துள்ளனா்.

இதுகுறித்து போராட்டத்தில் ஈடுபட்டுவரும் உத்தரப்பிரதேச மாநிலம், அம்ரோஹா மாவட்டத்தைச் சோ்ந்த சீதா ஆா்யா என்பவா் கூறுகையில், ‘உத்தரப் பிரதேசத்தின் இதர பகுதிகளில் இருந்து ஏராளமான பெண்கள் இந்தப் போராட்டத்தில் பங்கேற்று வருகிறோம். நாங்கள் தங்கியுள்ள பகுதியில் அமைக்கப்பட்டுள்ள தற்காலிக கழிப்பறைகள் சுகாதாரமின்றி உள்ளன. இதனால், 2 கிலோ மீட்டா் தூரம் நடந்து சென்று பொதுக் கழிப்பறையை பயன்படுத்த வேண்டியுள்ளது. இதற்காக அதிகாலை நான்கு மணிக்கு எழுந்திருக்க வேண்டியுள்ளது. கழிப்பறைக்கு 5 ரூபாயும்,

குளிப்பதற்கு ரூ.10-ம் கொடுக்க வேண்டியுள்ளது என்றாா்.

மற்றொரு பெண் கூறுகையில், போராட்டத்தில் ஈடுபட்டுவரும் நிலையில் எங்கள் பாதுகாப்பை நாங்கள்தான் உறுதிப்படுத்திக்கொள்ள வேண்டியுள்ளது. இரவில் எங்களுக்குள் சுழற்சி முறையில் விழித்துக் கொண்டு பாதுகாப்பில் ஈடுபடுகிறோம். இதனால், மற்ற பெண்கள் நிம்மதியாக தூங்க முடியும் என்றாா்.