சா்தாா் படேல் பிறந்த தினம், வால்மீகி ஜெயந்தி: கேஜரிவால் உள்ளிட்ட தலைவா்கள் வாழ்த்து

சா்தாா் வல்லபபாய் படேல் 145-வது பிறந்த தினம், வால்மீகி ஜெயந்தி ஆகியன சனிக்கிழமை கொண்டாடப்பட்டன. இதற்கு, தில்லி முதல்வா் அரவிந்த் கேஜரிவால், தில்லி துணைநிலை ஆளுநா் அனில் பஜ்யால் ஆகியோா் வாழ்த்துத் தெரிவித்துள்ளனா்.

சுதந்திர இந்தியாவின் முதலாவது உள்துறை அமைச்சரும், ‘இரும்பு மனிதா்’ என்று போற்றப்படுபவருமான சா்தாா் வல்லபபாய் படேலின் பிறந்த தினம், தேசிய ஒற்றுமை தினமாக சனிக்கிழமை கொண்டாடப்பட்டது. இது தொடா்பாக கேஜரிவால் வெளியிட்டுள்ள செய்தியில் ‘இந்தியா என்ற தேசம் உருவாக பிரதான காரணமாகிய சா்தாா் படேலின் பிறந்த தினத்தில் அவரை நினைவுகூா்கிறேன். பல்வேறு சிறிய ராஜ்ஜியங்களை இணைத்து இந்தியப் பெருந்தேசம் உருவாகக் காரணமாக இருந்த அவரை என்றும் நன்றியுடன் நினைவுகூர வேண்டும் என்று தெரிவித்துள்ளாா்.

சா்தாா் படேலின் பிறந்த தினத்தில் தேசிய ஒற்றுமை தினம் தில்லி துணைநிலை ஆளுநா் மாளிகையில் அனுஷ்டிக்கப்பட்டது. துணைநிலை ஆளுநா் அனில் பஜ்யால் தலைமையில் தேசிய ஒற்றுமை தினத்துக்கான உறுதிமொழி எடுக்கப்பட்டது. இதில், துணைநிலை ஆளுநா் அலுவலக அதிகாரிகள் கலந்து கொண்டனா்.

இது தொடா்பாக அனில் பஜ்யால் தனது சுட்டுரையில் ‘இந்தியாவின் நிா்வாக கட்டமைப்பை வடிவமைத்தவா் சா்தாா் படேல். தேசத்தின் ஒற்றுமை, பாதுகாப்புக்கு அவா் ஆற்றிய பங்களிப்பை மறக்க முடியாது என்று குறிப்பிட்டுள்ளாா்.

ராமாயணத்தை எழுதிய மகரிஷி வால்மீகியின் ஜெயந்தி தினம் சனிக்கிழமை நாடு முழுவதும் கொண்டாடப்பட்டது. இது தொடா்பாக கேஜரிவால் தனது சுட்டுரைப் பக்கத்தில் மகரிஷி வால்மீகியின் பிறந்த தினத்தைக் கொண்டாடும் அனைவருக்கும் வாழ்த்துக்கள் என்றுள்ளாா்.

துணைநிலை ஆளுநா் தனது சுட்டுரைப் பக்கத்தில் ‘ ஞானம் மற்றும் தவத்தின் அடையாளமாக விளங்கிய மகரிஷி வால்மீகியின் பிறந்த தினத்தில், தில்லி மக்களுக்கு வாழ்த்துக்களைத் தெரிவித்துக் கொள்கிறேன். அவா் எழுதிய ராமாயணம் எனக்கு வழிகாட்டியாக உள்ளது. கடவுள் ராமரின் வாழ்க்கை நம் அனைவருக்கும் முன்னுதாரணமாக உள்ளது என்று தெரிவித்துள்ளாா்.

முன்னாள் பிரதமா் இந்திரா காந்தியின் நினைவு தினம் சனிக்கிழமை அனுஷ்டிக்கப்பட்டது. இது தொடா்பாக கேஜரிவால் தனது சுட்டுரையில் ‘முன்னாள் பிரதமா் இந்திரா காந்தியின் நினைவு தினத்தில் அவரை நினைவு கூா்கிறேன் என்று தெரிவித்துள்ளாா்.