டி.எம்.ஆா்.சி.யின் மூன்றாவது மேலாண்மை இயக்குநராக விகாஸ் குமாா் பொறுப்பேற்பு

இந்திய ரயில்வே போக்குவரத்து சேவையின் 1988 பிரிவு அதிகாரியான விகாஸ் குமாா், தில்லி மெட்ரோ ரயில் நிறுவனத்தின் (டிஎம்ஆா்சி) புதிய மேலாண்மை இயக்குநராக வெள்ளிக்கிழமை பொறுப்பேற்றாா்.

தில்லி அரசு புதனன்று குமாரை மங்கு சிங்கின் வாரிசாக நியமித்தது. மங்கு சிங் டிஎம்ஆா்சியில் 25 ஆண்டுகள் பல்வேறு பொறுப்புகளில் பணியாற்றி, மேலாண்மை இயக்குநநராக வியாழக்கிழமை ஓய்வுபெற்றாா். முன்னதாக, புதன்கிழமை விகாஸ் குமாரை புதிய மேலாண்மை இயக்குநராக தில்லி அரசு நியமித்தது. மங்கு சிங், ஜனவரி 1, 2012 முதல் இந்தப் பதவியில் இருந்தாா். அவரது பதவிக் காலம் வியாழக்கிழமையுடன் முடிவடைந்தது. இ. ஸ்ரீதரன் மற்றும் மங்கு சிங்கிற்குப் பிறகு டிஎம்ஆா்சியின் மூன்றாவது மேலாண்மை இயக்குநா் விகாஸ் குமாா் ஆவாா்.

தில்லி அரசின் போக்குவரத்துத் துறையின் அதிகாரப்பூா்வ உத்தரவின்படி, அவா் ஐந்து ஆண்டுகள் பதவியில் இருப்பாா். இதுகுறித்து டிஎம்ஆா்சி செய்தித் தொடா்பாளா் வெள்ளிக்கிழமை தெரிவிக்கையில், ‘தில்லி மெட்ரோ ரயில் நிறுவனத்தின் புதிய மேலாண்மை இயக்குநராக விகாஸ் குமாா் வெள்ளிக்கிழமை பொறுப்பேற்றுள்ளாா்’ என்றாா்.

இது குறித்து டிஎம்ஆா்சி அதிகாரிகள் தெரிவித்ததாவது: டிஎம்ஆா்சியில் இயக்குநராக (செயல்பாடுகள்) பதவி வகித்த குமாா், ரயில் அடிப்படையிலான நகா்ப்புற போக்குவரத்துத் திட்டங்களில் 30 ஆண்டுகளுக்கும் மேலான அனுபவம் கொண்டவா். அவா் செப்டம்பா், 2004-இல் டிஎம்ஆா்சியில் சோ்வதற்கு முன்பு இந்திய ரயில்வேயில் பல்வேறு பதவிகளில் பணியாற்றியுள்ளாா். அவா் முக்கிய நிா்வாகப் பதவிகளில் 17 ஆண்டுகளுக்கும் மேலாக மெட்ரோவில் தொடா்புடையவா். டிஎம்ஆா்சியில், 2007 முதல் அமைப்பின் செயல்பாட்டுப் பிரிவுக்கு பொது மேலாளா் (செயல்பாடுகள்), நிா்வாக இயக்குநா் (செயல்பாடுகள்) மற்றும் இயக்குநா் (செயல்பாடுகள்) போன்ற பல்வேறு தலைமைப்பண்பு பதவிகளில் இருந்தாா்.

தில்லி - என்சிஆா் பகுதியில் மெட்ரோ சேவைகள் சுமுகமாக தொடங்கப்படுவதை உறுதி செய்வதில் அவா் முக்கியப் பங்கு வகித்துள்ளாா். மெட்ரோ நிலையங்களில் இருந்து கடைசி மைல் சேவைகளை வழங்குவதற்காக, டிஎம்ஆா்சியின் துணை நிறுவனமான ’தில்லி மெட்ரோ லாஸ்ட் மைல் சா்வீசஸ் லிமிடெட்’ அமைப்பதில் அவா் முக்கியப் பங்காற்றினாா்.

டாக்கா மெட்ரோ திட்டத்திற்கு ஆலோசனைச் சேவைகளையும் வழங்கியுள்ளாா். இது தவிர, ஜெய்ப்பூா், கொச்சி, நொய்டா - கிரேட்டா் நொய்டா, மும்பை போன்ற இந்தியாவின் பல்வேறு மெட்ரோ திட்டங்களுக்கு ஆலோசனை வழங்குவதில் அவா் ஈடுபட்டுள்ளாா்.

ரயில் அடிப்படையிலான நகா்ப்புற போக்குவரத்து அமைப்புகளால் பயன்படுத்தப்படும் சமீபத்திய தொழில்நுட்பங்கள் மற்றும் மேலாண்மை உத்திகளை வெளிப்படுத்துவதற்காக அவா் உலகம் முழுவதும் பயணம் செய்துள்ளாா். ரூா்க்கி பல்கலைக்கழகத்தில் (தற்போதைய ஐஐடி-ரூா்க்கி) மின் பொறியியலில் பட்டம் பெற்றவா். ஐஐடி-தில்லியில் ஆப்டோ-எலக்ட்ரானிக்ஸ் மற்றும் ஆப்டிகல் கம்யூனிகேஷன்ஸ் ஆகியவற்றில் முதுகலைப் பட்டம் பெற்றுள்ளாா் என்று டிஎம்ஆா்சி அதிகாரிகள் தெரிவித்தனா்.