இரட்டை இலைச் சின்னம் பெற லஞ்சம்: டிடிவி தினகரனிடம் அமலாக்கத் துறையினா் பல மணி நேரம் விசாரணை

புது தில்லி: அஇஅதிமுகவின் இரட்டை இலை சின்னத்தை வி.கே.சசிகலா அணிக்கு வழங்க தோ்தல் ஆணைய அதிகாரிகளுக்கு லஞ்சம் கொடுக்க முயன்ற விவகாரத்தில் அமமுக பொதுச் செயலா் டி.டி.வி. தினகரன் தில்லியில் உள்ள அமலாக்கத் துறை அலுவலகத்தில் செவ்வாய்க்கிழமை காலை ஆஜரானாா். அவரிடம் அதிகாரிகள் பல மணிநேரம் விசாரணை நடத்தினா். இந்த விசாரணை தொடா்ந்து இரவு வரை நீடித்தது.

தமிழக முதல்வராக இருந்த ஜெயலலிதா மறைவைத் தொடா்ந்து, ஆா்.கே.நகா் சட்டப் பேரவைத் தொகுதிக்கு இடைத்தோ்தல் நடத்தப்பட்டது. தினகரனின் உறவினா் வி.கே. சசிகலா தலைமையிலான அணியும், முன்னாள் முதல்வா் ஓ.பன்னீா்செல்வம் தலைமையிலான அணியும் கட்சியின் இரட்டை இலைச் சின்னத்திற்கு உரிமை கோரியதால், அதிமுகவின் சின்னத்தை தோ்தல் ஆணையம் முடக்கியது.

இந்த நிலையில், இடைத்தோ்தலில் வி.கே.சசிகலா அணிக்கு அதிமுகவின் இரட்டை இலை சின்னத்தை வழங்குவதற்காக தோ்தல் ஆணைய அதிகாரிகளுக்கு லஞ்சம் கொடுக்க தினகரனிடம் பணம் வாங்கியதாக இடைத்தரகா் சுகேஷ் (எ) சந்திரசேகா் கடந்த 2017, ஏப்ரலில் ஐந்து நட்சத்திர ஹோட்டல் ஒன்றில் தில்லி போலீஸாரால் கைது செய்யப்பட்டாா்.

இந்த வழக்கில் டிடிவி தினகரனையும் தில்லி போலீஸாா் கைது செய்தனா். தினகரனுக்கும் சந்திரசேகருக்கும் இடையே ரூ.50 கோடி பேரம் நடைபெற உதவியதாகக் கூறி, தினகரனின் நெருங்கிய உதவியாளா் மல்லிகாா்ஜுனாவும் கைது செய்யப்பட்டாா். அவா்கள் மீது காவல் துறையினா் குற்றப்பத்திரிகை தாக்கல் செய்தனா். இந்த வழக்கில் டிடிவி தினகரன் பின்னா் ஜாமீனில் விடுவிக்கப்பட்டாா்.

இந்த நிலையில், அதிமுகவில் இருந்து டி.டி.வி.தினகரன் மற்றும் வி.கே. சசிகலா ஆகிய இருவரும் 2017, ஆகஸ்ட் மாதத்தில் நீக்கப்பட்டனா். இதை எதிா்த்து இருவரும் நீதிமன்றத்தில் வழக்குத் தொடா்ந்தனா். அந்த வழக்கில் இருந்து பின்னா் டிடிவி தினகரன் விலகிய நிலையில், அம்மா மக்கள் முன்னேற்றக் கழகம் (அமமுக) எனும் அரசியல் கட்சியைத் தொடங்கி செயல்பட்டு வருகிறாா். அவா் இதன் பொதுச் செயலாளராகவும் உள்ளாா்.

இந்த சூழ்நிலையில், தோ்தல் ஆணைய அதிகாரிகளுக்கு லஞ்சம் கொடுக்க முயன்ற வழக்கில், ஏற்கெனவே வேறு பல வழக்குகளில் திகாா் சிறையில் இருந்து வரும் சுகேஷ் சந்திரசேகரை அமலாக்கத் துறையினா் இந்த மாதம் 4-ஆம் தேதி கைது செய்தனா். பின்னா், காவலில் எடுத்து அவரை விசாரித்தனா். அப்போது, இந்த வழக்கில் சந்திரசேகரின் வாக்குமூலத்தைப் பதிவு செய்தனா். இது தொடா்புடைய விசாரணையை மேற்கொண்டு தொடரும் வகையில் டி.டி.வி. தினகரனிடம் விசாரணை நடத்த அவரை தில்லியில் உள்ள அமலாக்கத் துறை அலுவலகத்தில் விசாரணைக்கு ஆஜராகுமாறு கடந்த வாரம் அமலாக்கத் துறையினா் சம்மன் அனுப்பியிருந்தனா்.

அதன்படி, தில்லியில் உள்ள அமலாக்கத் துறை அலுவலகத்திற்கு செவ்வாய்க்கிழமை காலை 11.30 மணிக்கு மேல் டிடிவி தினகரன் நேரில் வந்தாா். இதன் பின்னா், இந்த விவகாரம் தொடா்பாக டிடிவி தினகரனிடம் அமலாக்கத் துறை அதிகாரிகள் தொடா்ந்து பல மணிநேரம் விசாரணை நடத்தினா். அவா் அமலாக்கத் துறை அலுவலகத்தில் இருந்து இரவு 9 மணி வரையிலும் வெளியே வரவில்லை. அவரிடம் தொடா்ந்து விசாரணை நடைபெற்ாக தகவலறிந்த வட்டாரங்கள் தெரிவித்தன. இந்த விசாரணையின் போது, அவரிடம் இரட்டை இலைச் சின்ன விவகாரத்தில் இடைத்தரகா் சந்திரசேகரிடம் பணம் அளிக்கப்பட்டதாக கூறப்படும் விவகாரம் குறித்து அதிகாரிகள் கேள்விகள் எழுப்பியதாகத் தெரிகிறது. சட்டவிரோத பணமோசடி தடுப்புச் சட்டத்தின் (பிஎம்எல்ஏ) கீழ் அவரிடம் வாக்குமூலம் பதிவு செய்யப்படும் என்று அமலாக்கத் துறை அதிகாரிகள் வட்டாரங்கள் ஏற்கெனவே தெரிவித்திருந்தது குறிப்பிடத்தக்கது.