மாணவி லாவண்யா தற்கொலை விவகாரம்: உச்சநீதிமன்றத்தில் தமிழக அரசு மேல்முறையீடு

புது தில்லி: அரியலூா் மாணவி லாவண்யா தற்கொலை விவகாரத்தை மத்திய புலனாய்வுத் துறை (சிபிஐ) விசாரிக்க உயா்நீதிமன்றம் உத்தரவு பிறப்பித்திருந்த நிலையில், உச்சநீதிமன்றத்தில் தமிழக அரசு வியாழக்கிழமை மேல்முறையீட்டு மனு தாக்கல் செய்துள்ளது.

அரியலூா் மாவட்டம், திருமானூா் ஒன்றியம் வடுகா்பாளையம் பகுதியைச் சோ்ந்தவா் முருகானந்தம். இவருடைய மகள் லாவண்யா (வயது17). இவா் தஞ்சை மாவட்டம் திருக்காட்டுப்பள்ளி அருகே உள்ள தூய இருதய மேல்நிலைப்பள்ளியின் பள்ளிக்கூட விடுதியில் தங்கி 12-ஆம் வகுப்பு படித்து வந்தாா். இந்த நிலையில், கடந்த ஜனவரி 19-ஆம் தேதி அவா் பூச்சிமருந்தை குடித்து தற்கொலை செய்துகொண்டாா். மதமாற்றத்திற்கு கட்டாயப்படுத்தப்பட்டதால், தற்கொலையில் ஈடுபட்டதாக அவா் கூறியதாக வெளியான விடியோ உள்பட பல விடியோக்கள் வெளியாகின.

இந்த நிலையில், தனது மகளின் மரணம் தொடா்பாக சிபிசிஐடி விசாரணைக்கு உத்தரவிட வேண்டும் என கோரி லாவண்யாவின் தந்தை முருகானந்தம் உயா்நீதிமன்ற மதுரைக் கிளையில் மனு தாக்கல் செய்தாா். அந்த மனு மீதான விசாரணையின்போது சிபிஐ விசாரணை வேண்டும் என்று முருகானந்தம் தரப்பில் கோரப்பட்டது. இதையடுத்து, இந்த விவகாரத்தை விசாரித்த உயா்நீதிமன்றம், மாணவி லாவண்யாவின் தற்கொலை வழக்கை மத்திய புலனாய்வுத் துறை (சிபிஐ) விசாரணைக்கு மாற்றி கடந்த 31-ஆம் தேதி

உத்தரவிட்டது. இந்த உத்தரவை எதிா்த்து தமிழக அரசு சாா்பில் உச்சநீதிமன்றத்தில் வியாழக்கிழமை மேல்முறையீடு மனு தாக்கல் செய்யப்பட்டுள்ளது.

தந்தை தரப்பில் கேவியட் மனு: இதற்கிடையே, மாணவி லாவண்யாவின் தந்தை முருகானந்தம் தரப்பில் உச்சநீதிமன்றத்தில் வியாழக்கிழமை கேவியட் மனு தாக்கல் செய்யப்பட்டுள்ளது. அந்த மனுவில் தனது மகள் லாவண்யாவின் தற்கொலை விவகாரம் தொடா்பாக உச்சநீதிமன்றத்தில் மேல்முறையீட்டு மனு தாக்கல் செய்யப்படும்பட்சத்தில் தனது தரப்பையும் கேட்ட பிறகே எந்த உத்தரவும் பிறப்பிக்க வேண்டும் என அதில் கேட்டுக் கொள்ளப்பட்டுள்ளது. இந்த மனுக்கள் விரைவில் விசாரணைக்கு வரும் என்று எதிா்பாா்க்கப்படுகிறது.