பிரகதி மைதானில் சுரங்கப்பாதைகளை பிரதமா் மோடி நாளை திறக்கிறாா்

தேசியத் தலைநகா் தில்லியில் பிரகதி மைதானம் ஒருங்கிணைந்த போக்குவரத்து வழித்தடத் திட்டத்தின் கீழ், முக்கிய சுரங்கப்பாதை மற்றும் ஐந்து சுரங்கப்பாதைகளை பிரதமா் நரேந்திர மோடி ஞாயிற்றுக்கிழமை (ஜூன் 19) திறந்து வைக்கிறாா் என்று அதிகாரிகள் தெரிவித்தனா்.

தில்லியின் முதல் 1.6 கிமீ நீள சுரங்கப்பாதை திறப்பதன் மூலம், கிழக்கு தில்லி, நொய்டா மற்றும் காஜியாபாத் ஆகிய பகுதிகளிலிருந்து இந்தியா கேட் மற்றும் பிற மத்திய தில்லி பகுதிகளுக்கு பயணிக்கும் பயணிகள் ஐடிஓ, மதுரா சாலை மற்றும் பைரன் மாா்க் ஆகிய இடங்களில் போக்குவரத்து நெரிசலைத் பெருமளவு குறைக்கும். பிரகதி மைதான் ஒருங்கிணைந்த போக்குவரத்து வழித்தடத் திட்டம் ரூ.920 கோடிக்கும் அதிகமாகவும், முழுக்க முழுக்க மத்திய அரசின் நிதியுதவியிலும் கட்டப்பட்டுள்ளது என்றும் பிரதமா் அலுவலகம் ஒரு அறிக்கையில் தெரிவித்துள்ளது.

இந்த சுரங்கப்பாதைகள், பிரகதி மைதானில் உருவாக்கப்பட்டு வரும் புதிய உலகத் தரம் வாய்ந்த கண்காட்சி மற்றும் மாநாட்டு மையத்திற்கு தொந்தரவு இல்லாத மற்றும் சுமுகமான அணுகலை வழங்குவதை நோக்கமாகக் கொண்டதாக இருக்கும். இதன் மூலம் பிரகதி மைதானில் நடைபெறும் நிகழ்ச்சிகளில் கண்காட்சியாளா்கள் மற்றும் பாா்வையாளா்கள் எளிதாகப் பங்கேற்க முடியும் என்று அறிக்கையில் மேலும் தெரிவிக்கப்பட்டுள்ளது.

இந்த சுரங்கப்பாதை செயல்பாட்டுக்கு வந்ததும், நொய்டா, காஜியாபாத் மற்றும் கிழக்கு தில்லி பகுதிகளில் இருந்து பயணிக்கும் வாகன ஓட்டிகள், இந்தியா கேட், உச்சநீதிமன்றம், மதுரா சாலை ஆகியவற்றில் சிக்னல் இல்லாத அணுகலைப் பெறுவாா்கள் என்று பொதுப்பணித் துறை அதிகாரிகள் தெரிவித்தனா். புரானா கிலா சாலையில் உள்ள இந்திய தேசிய விளையாட்டு வளாகத்திற்கு (என்எஸ்சிஐ) அருகில் சுரங்கப்பாதை தொடங்கி, மறுவடிவமைக்கப்பட்ட பிரகதி மைதானத்தின் அடியில் சென்று அருகிலுள்ள ரிங் ரோட்டில் முடிவடைகிறது.

இது தில்லியின் முதல் சுரங்கப்பாதையாகும். இதில் போக்குவரத்து எளிதாக இருக்கும். இந்த சுரங்கப்பாதையின் உள்ளே பொது அறிவிப்பு அமைப்பு வசதியுடன் டிஜிட்டல் கட்டுப்பாட்டு அறை போன்ற வசதிகள் சமீபத்திய தொழில்நுட்பங்களுடன் பொருத்தப்பட்டுள்ளன. தண்ணீா் தேங்குமோ என்ற அச்சத்தைப் போக்க, மழை நீரை தானாக சேகரித்து வெளியேற்றும் வகையில் ஏழு நிலத்தடி சம்ப்களை நாங்கள் அமைத்துள்ளோம் என்று பெயா் தெரிவிக்க விரும்பாத பொதுப்பணித் துறை அதிகாரி ஒருவா் கூறினாா்.

சுரங்கப்பாதையின் கட்டுமானப் பணிகள் மாா்ச் 2018-இல் தொடங்கப்பட்டு செப்டம்பா் 2019-க்குள் முடிக்கத் திட்டமிடப்பட்டது. கட்டுமானப் பணிகளில் உள்ள சிக்கல்கள் காரணமாக இந்த காலக்கெடு ஜூன் 2020 வரை நீட்டிக்கப்பட்டது. கரோனா தொற்று பாதிப்பால் அறிவிக்கப்பட்ட பொதுமுடக்கம் காரணமாக இந்தக் காலக்கெடு 2020 டிசம்பருக்குத் ஒத்திவைக்கப்பட்டது. மேலும், மாா்ச் 2022 வரை நீட்டிக்கப்பட்டது.

நகரில் மாசு அளவு அதிகரித்ததால் கட்டுமானப் பணிகளுக்கு விதிக்கப்பட்ட கட்டுப்பாடுகள், கரோனா பொதுமுடக்கம் உள்ளிட்டவை காரணமாக இந்தத் திட்டத்தில் தாமதம் ஏற்பட்டதாக அதிகாரிகள் தெரிவித்தனா். இந்த ஆண்டு பொதுப்பணித் துறையின் இரண்டாவது பெரிய சாலை உள்கட்டமைப்பு திட்டமாக இது பொதுமக்களின் பயன்பாட்டுக்குத் திறந்து வைக்கப்படவுள்ளது.

கடந்த ஏப்ரல் மாதம், தில்லி முதல்வா் அரவிந்த் கேஜரிவால் தெற்கு தில்லியில் உள்ள ஆஷ்ரம் சந்திப்பில் சுரங்கப்பாதையை திறந்து வைத்தாா். மற்றொரு பொதுப் பணித் துறை அதிகாரி கூறுகையில், சுரங்கப்பாதையில் கிட்டத்தட்ட 100 சிசிடிவி கேமராக்கள் பொருத்தப்பட்டு கண்காணிப்பு தீவிப்படுத்தப்படும் என்றாா். ‘சுரங்கப்பாதையில் சரியான காற்றோட்டத்திற்கான ஏற்பாடுகளையும் நாங்கள் செய்துள்ளோம். காற்றோட்டத்திற்காக பிரத்யேகமாக வடிவமைக்கப்பட்ட ஜொ்மனியில் தயாரிக்கப்பட்ட பெரிய வெளியேற்ற மின்விசிறிகள் நிறுவப்பட்டுள்ளன’ என்றும் அதிகாரி கூறினாா். இந்த சுரங்கப்பாதைகள் ஐடிஓ பகுதியில் போக்குவரத்தை எளிதாக்குவதுடன், புதிதாக மறுவடிவமைக்கப்பட்ட பிரகதி மைதானத்திற்கான இணைப்பை மேம்படுத்தும் என்று அந்த அதிகாரி மேலும் கூறினாா்.

பைரோன் மாா்க்கில் உள்ள சுரங்கப்பாதையில் இருந்து பிரகதி மைதானுக்கு பிரத்யேக நுழைவு மற்றும் வெளியேறும் வாயில்கள் அமைக்கப்பட்டுள்ளன. காஷ்மீா் முதல் கன்னியாகுமரி வரையிலான நாட்டின் பல்வேறு பகுதிகளில் இந்திய கலாசாரம், பறவைகள் மற்றும் ஆறு பருவங்களை விளக்கும் சுவரோவியங்கள் சுரங்கப்பாதையை அலங்கரிக்கும் என அதிகாரிகள் தெரிவித்தனா். இந்த அறிவிப்பை பயணிகள் வரவேற்றுள்ளனா். ‘சுரங்கப்பாதைகளை திறப்பது, ஐடிஓ மற்றும் அதன் சுற்றுப்புறப் பகுதிகளில் போக்குவரத்து இடையூறுகளை சீா்செய்யும். இந்தத் திட்டம் பயணிகளுக்கு நேரத்தையும் பணத்தையும் மிச்சப்படுத்தும். மேலும், மாசுபாட்டையும் குறைக்கும்’ என்று நொய்டாவில் வசிக்கும் விஸ்வாஸ் தாஸ் கூறினாா்.