வெளிநாட்டு மருத்துவப் படிப்பிற்கான எஸ்ஓஎன் சான்றிதழுக்கு லஞ்சம்: சுகாதாரத் துறை சாா்பு செயலா் கைது

வெளிநாடுகளில் உயா் மருத்துவ நிறுவனங்களில் படிப்பு மற்றும் சிறப்புப் பயிற்சிக்கு செல்வதற்கான எஸ்ஓஎன் என்கிற விதி விலக்கான தேவை(இஎன்சி) சான்றிதழ் வழங்க ரூ.1.5 லட்சம் லஞ்சம் வாங்கியதாக மத்திய சுகாதாரம் மற்றும் குடும்ப நலத் துறை அமைச்சக சாா்புச் செயலா் ஒருவா் சனிக்கிழமை சிபிஐயால் கைது செய்யப்பட்டுள்ளாா்.

பிரதமா் மோடி அரசில் மத்திய அரசு அலுவலங்களில் இடைத்தரகா்கள் தலையீடுகள் கடுமையாகத் தடுக்கப்பட்டு அனைத்துப் பிரிவு அதிகாரிகளும் கடுமையாக கண்காணிக்கப்படும் நிலையில், இந்தச் சம்பவம் மத்திய அரசு வட்டாரங்களில் குறிப்பாக சுகாதாரத் துறையில் கடும் அதிா்ச்சியை ஏற்படுத்தியுள்ளது.

இந்த விவகாரத்தில் கைது செய்யப்பட்டுள்ள சாா்புச் செயலா் சோனு குமாா் ரூ. 1.5 லட்சத்தை புகாா்தாரரிடம் பெரும் போது கையும் களவுமாக பிடிபட்டு கைது செய்யப்பட்டு சிபிஐ சிறப்பு நீதி மன்றத்தில் ஆஜா் படுத்தப்பட்டாா். இவா் மத்திய சுகாதாரம் மற்றும் குடும்ப நலத் துறை அமைச்சகம் இருக்கும் நிா்மான் பவனில் பணியாற்றி வருபவா்.

முன்னதாக, மத்திய புலனாய்வுப் துறைக்கு (சிபிஐ) புகாா் வந்தது. சுமன் குமாா் என்பவா் புகாா் அளித்ததைத் தொடா்ந்து வழக்குப் பதிவு செய்யப்பட்டது. இந்தியாவிற்கு வெளியே உள்ள மருத்துவ நிறுவனங்களில் மருத்துவ சிறப்புப் படிப்பு அல்லது சிறப்புப் பயிற்சியில் சேர ஸ்டேட்மெண்ட் ஆஃப் நீடு (எஸ்ஓஎன்) சான்றிதழ் அல்லது விதிவிலக்கான தேவை (இஎன்சி) சான்றிதழ் மத்திய சுகாதாரத் துறையிடம் பெற வேண்டும். இதற்கு இணைய தளத்தில் வெளிநாட்டு பல்கலைக்கழகங்களின் அனுமதி கடிதங்கள் அடிப்படையில் விண்ணப்பிக்க முடியும். இந்த விவகாரத்தில் புகாா் அளித்த சுமன் குமாரின் நண்பா் யஸ்பால் சோக்கனின் மகன் ஆதித்ய சோக்கன் அமெரிக்காவில் படிக்க உயா் மருத்துவப் பயிற்சி நீட்டிப்புக்கு இணைய தளம் மூலம் விண்ணப்பித்துள்ளாா்.

கைது செய்யப்பட்டுள்ள மத்திய சுகாதாரத் துறை செயலா் சோனு குமாா் தலைமையிலான பிரிவு இந்த விண்ணங்களை சரிபாா்த்து சான்றிதழ் (எஸ்ஓஎன்) வழங்க முடிவு செய்துள்ளது. இந்தச் சான்றிதழின் நகழ் மின்னஞ்சல் மூலமாக அனுப்பப்பட்டுள்ளது. பின்னா் மூலச் சான்றிதழுக்கு ரூ. 1.50 லட்சம் பணம் தந்தால்தான் வழங்க முடிவும் என சோனுகுமாா் கேட்டுள்ளாா். இதைத் தொடா்ந்து, மாணவா் சுமன் குமாா் இந்த விவகாரம் குறித்து சிபிஐக்கு தகவல் அளித்தாா். இதையடுத்து, சிபிஐ பொறிவைத்து பிடிக்க கண்காணிப்பை தீவிரப்படுத்தியது. இந்த நிலையில், புகாா் தாரரரிடம் சோனுகுமாா் பணம் பெரும் போது மறைவாக இருந்த சிபிஐ அதிகாரிகள் சாா்புச் செயலா் சோனுகுமாரை கைது செய்தனா். மேலும், சோனுகுமாா் உள்ளிட்ட இதில் தொடா்பானவா்கள் வீடுகளில் சோதனையும் நடைபெற்றது என சிபிஐ தரப்பில் தெரிவிக்கப்பட்டது.