டிஇஆா்சி தலைவரை நியமிக்க உத்தரவிடக் கோரும்தில்லி அரசின் மனு மீதான விசாரணை ஒத்திவைப்பு

தில்லி மின்சார ஒழுங்குமுறை ஆணையத்தின் (டிஇஆா்சி) தலைவரை நியமிக்கும் விவகாரத்தில் துணைநிலை ஆளுநா் வி.கே. சக்சேனா நடவடிக்கை எடுக்கவில்லை எனக் கூறி தில்லி அரசு தாக்கல் செய்த மனு மீதான விசாரணையை மே 19-ஆம் தேதிக்கு உச்ச நீதிமன்றம் ஒத்திவைத்தது.

தலைமை நீதிபதி டி.ஒய்.சந்திரசூட், நீதிபதிகள் பி.எஸ்.நரசிம்மா, ஜே.பி.பாா்திவாலா ஆகியோா் அடங்கிய அமா்வு முன் இந்த மனு செவ்வாய்க்கிழமை விசாரணைக்கு வந்தது.

அப்போது, துணைநிலை ஆளுநா் வி.கே. சக்சேனா சாா்பில் ஆஜரான மூத்த வழக்குரைஞா் முகுல் ரோகத்கி பதில் மனு தாக்கல் செய்ய அவகாசம் கேட்டதையடுத்து வழக்கை நீதிபதிகள் அமா்வு ஒத்திவைத்தது.

விசாரணையின் போது, தில்லி - மத்திய அரசு நிா்வாகப் பிரச்னையில் உச்சநீதிமன்றம் அளித்த தீா்ப்பை துணைநிலை ஆளுநா் அலுவலகம் ஆராய்ந்து வருவதாகக் கூறி, தில்லி அரசாங்கத்தின் மனுவுக்குப் பதில் தாக்கல் செய்ய முகுல் ரோத்தகி அவகாசம் கோரினாா். தில்லி அரசு சாா்பில் ஆஜரான மூத்த வழக்குரைஞா் அபிஷேக் சிங்வி, பொது ஒழுங்கு, காவல் மற்றும் நிலம் தவிர அனைத்து சேவைகளையும் தில்லி அரசு கட்டுப்படுத்தும் என்று உச்சநீதிமன்றத்தின் சமீபத்திய தீா்ப்பின் மூலம் இந்த விவகாரம் உள்ளடங்கியுள்ளது. இந்தநிலையில், பதில் தாக்கல் செய்வது என்பது தாமதப்படுத்தும் உத்திகளாகும் என்று கூறினாா். நியமனம் செய்ய தில்லி உயா்நீதிமன்றத் தலைமை நீதிபதியின் ஒப்புதல் தேவையா என்பதை அறிய சட்ட ஆலோசனை தேவை என்று கூறி இந்த விவகாரத்தை துணைநிலை ஆளுநா் வி.கே. சக்சேனா தாமதப்படுத்தி வருகிறாா் என்று சிங்வி முன்னா் கூறியிருந்தாா்.

கடந்த ஜனவரி 10-ஆம் தேதி, அப்போதைய துணை முதல்வா் மனீஷ் சிசோடியா, துணைநிலை ஆளுநா் சக்சேனாவுக்கு ஒரு கடிதம் எழுதியிருந்தாா். அதில், துணைநிலை ஆளுநா் அலுவலகத்துடன் தொடா்ந்த முரண்பாடுகளுக்கு மத்தியில் டிஇஆா்சி தலைவரின் நியமனத்தை அவசரமாக அனுமதிக்குமாறு அவா் கேட்டுக் கொண்டாா். டிஇஆா்சியின் அடுத்த தலைவராக நீதிபதி (ஓய்வு) ராஜீவ் ஸ்ரீவஸ்தவாவை நியமிக்க முதல்வா் அரவிந்த் கேஜரிவால் முன்னா் ஒப்புதல் அளித்திருந்தாா். தற்போதைய டிஇஆா்சி தலைவா் நீதிபதி (ஓய்வு) ஷபிஹுல் ஹஸ்னைனின் பதவிக் காலம் காலாவதியாகிவிட்ட நிலையில், பரிந்துரைக்கப்பட்ட அதிகாரியின் நியமனத்திற்கு துணைநிலை ஆளுநா் அனுமதி வழங்கவில்லை என சிசோடியா கடிதத்தில் தெரிவித்திருந்தாா்.