எதிா்வரும் மக்களவைத் தோ்தலில் காங்கிரஸ் சாா்பில் போட்டியிட தகுதி பெறுவோரைக் கண்டறிய தமிழ்நாடு, புதுச்சேரி உள்பட வெவ்வேறு மாநிலங்கள் அடங்கிய ஐந்து தோ்வுக் குழுக்களை அக்கட்சியின் தலைவா் மல்லிகாா்ஜுன காா்கே நியமித்துள்ளாா்.

இது தொடா்பாக காங்கிரஸ் பொதுச்செயலாளா் கே.சி. வேணுகோபால் கூறியது: மக்களவைத் தோ்தலில் போட்டியிட தகுதிபெறும் காங்கிரஸ் கட்சியினரை கண்டறிய ஐந்து குழுக்களை மல்லிகாா்ஜுன காா்கே நியமித்துள்ளாா். கிளஸ்டா் 1 முதல் கிளஸ்டா் 5 வரை என பிரிக்கப்பட்டுள்ள குழுக்களில் முதலாவது குழுவில் தமிழ்நாடு, புதுச்சேரி, கா்நாடகம், தெலங்கானா, லட்சத்தீவு ஆகியவை இடம் பெற்றுள்ளன. இந்தக் குழுவுக்கு தலைவராக ஹரிஷ் செளத்ரியும் உறுப்பினா்களாக விஸ்வஜித் கதம், ஜிக்னேஷ் மேவானியும் இருப்பா்.

இதேபோல, ஆந்திர பிரதேசம், மகாராஷ்டிரம், கோவா, ஒடிஸா, அந்தமான் மற்றும் நிகோபாா் தீவுகள் அடங்கிய இரண்டாம் குழுவுக்குத் தலைவராக காங்கிரஸ் மூத்த தலைவா் மதுசூதன் மிஸ்திரியும் உறுப்பினா்களாக சூரஜ் ஹெக்டே, ஷஃபி பரம்பில் ஆகியோரும் இருப்பா்.

மூன்றாவது குழுவில் குஜராத், மத்திய பிரதேசம், சத்தீஸ்கா், ராஜஸ்தான், தில்லி, தாமன்-டையூ, தாத்ரா நகா் ஹவேலி ஆகியவையும் குழுவின் தலைவராக ரஞ்சனி பாட்டீல், உறுப்பினா்களாக கிருஷ்ண அல்லவூரு, பா்காத் சிங் ஆகியோரும் இருப்பா்.

நான்காவது குழுவில் உத்தர பிரதேசம், உத்தரகண்ட், ஹரியாணா, ஹிமாச்சல பிரதேசம், பஞ்சாப், சண்டீகா், ஜம்மு காஷ்மீா், லடாக் ஆகியவை இடம்பெற்றுள்ளன. இக்குழுவுக்கு பக்த சரண் தாஸ் தலைவராகவும் நீரஜ் தாங்கி, யஷோமதி தாக்கூா் உறுப்பினா்களாகவும் இருப்பா்.

ஐந்தாவது குழுவில் பிஹாா், ஜாா்கண்ட், மேற்கு வங்கம், அஸ்ஸாம், அருணாசல பிரதேசம், மணிப்பூா், மிஸோரம், மேகாலயா, நாகாலாந்து, திரிபுரா, சிக்கிம் ஆகியவை இடம்பெற்றுள்ன. இக்குழுவின் தலைவராக ராணா கே.பி. சிங்கும் உறுப்பினா்களாக ஜெய்வா்தன் சிங், இவான் டி ஸோஸா ஆகியோரும் இருப்பா்.

இந்த ஐந்து குழுக்களில் அந்தந்த மாநிலங்களுக்கான கட்சியின் மேலிடப் பொறுப்பாளா்களாக உள்ள பொதுச் செயலாளா்கள், செயலாளா்கள், மாநிலத் தலைவா்கள், சட்டப்பேரவைக் குழு தலைவா் ஆகியோரும் உறுப்பினா்களாக இருப்பா் என்று வேணுகோபால் கூறினாா்.