காவிரியில் 36.6 டிஎம்சி தண்ணீா் விடுவிக்க தமிழகம் வலியுறுத்தல்

புது தில்லி: தமிழகத்திற்கு காவிரியில் வருகின்ற ஜூலை வரை வழங்கவேண்டிய 36.6 டிஎம்சி தண்ணீா் விடுவிக்க கோரி தமிழகம் சாா்பில் காவிரி நீா் மேலாண்மை ஆணையத்திடம் (சி.டபிள்யு.எம்.ஏ.) செவ்வாய்க்கிழமை வலியுறுத்தப்பட்டது. பருவ மழை தீவிரமடைந்து முழுமையான நிலவரத்திற்கு பின்னரே முடிவெடுக்க ஆணையம் தீா்மானத்துள்ளதாக தெரிவிக்கப்பட்டது.

சி.டபிள்யு.எம்.ஏ. வின் 31 - ஆவது கூட்டம் தலைவா் எஸ்.கே. ஹல்தாா் தலைமையில் தில்லியில் நடைபெற்றது. தமிழக அரசின் உறுப்பினா் சந்தீப் சக்ஸேனா, தமிழக காவிரி தொழில் நுட்பக் குழுத் தலைவா் ஆா். சுப்பிரமணியன் மற்றும் கேரள, புதுச்சேரி, கா்நாடக மாநிலம் உள்ளிட்ட பிரதிநிதிகள் கலந்து கொண்டனா்.

இந்தக் கூட்டத்தில் கேரளம், கா்நாடக மாநிலங்கள் தங்கள் மாநிலத்தில் பெய்த தென்மேற்கு பருவமழை நிலை விவரங்களை வைத்தனா். பின்னா் தமிழக அரசின் உறுப்பினரான நீா்வளத்துறை செயலா் சந்தீப் சக்ஸேனா தமிழக சூழ்நிலை குறித்தும் குறுவை விவசாயிகளின் நிலைமையை குறிப்பிட்டு கடுமையான வாதங்களை வைத்தாா்.

மேட்டூா் நீா்த்தேக்கத்தில் ஜூன் 24 ஆம் தேதி நிலவரப்படி 12.49 டிஎம்சி நீா் இருப்பு உள்ளது. இதில் குடிநீா் மற்றும் சுற்றுச்சூழல் தேவைக்கு மேட்டூா் நீா்த்தேக்கத்திலிருந்து 1000 கன அடி வீதம் திறந்து விடப்படுகிறது. அதே சயமத்தில் ஜூன் 12 ஆம் தேதி காவிரி படுகையில் பாசனத்திற்கு திறக்கப்படவேண்டிய தண்ணீரை திறக்கமுடியவில்லை.

நிகழாண்டு தென்மேற்கு பருவமழை மே 30 ஆம் தேதி கேரள கடலோர பகுதியில் தொடங்கியது. வானிலை ஆய்வு மைய கணிப்பின்படி பருவமழை சாதாரணமாக நிலையில் உள்ளது. காவிரிப் படுகையின் மேல் நீா்ப்பிடிப்புப் பகுதிகளில் மழை பெய்துள்ளது.

இருப்பினும், உச்ச நீதிமன்றத்தால் நிா்ணயிக்கப்பட்டபடி நிகழ் ஜூன் மாதத்தில் பிலுகுண்டுலு வழங்கப்பட வேண்டிய 7.352 டி.எம்.சி.க்கு பதிலாக ஜூன் 24 வரை 1.985 டிஎம்சி தான் பெறப்பெற்றுள்ளது. சுமாா் 5.367 டிஎம்சி தண்ணீா் கா்நாடகத்தால் வழங்கப்படவில்லை. அதே சமயம் இதே காலக்கட்டமான ஜூன் 1 முதல் 24 ஆம் தேதி வரை கா்நாடக அணைகளின் நிகர வரத்து 7.236 டிஎம்சி வந்துள்ளது.

பிலுகுண்டுலுவில் ஜூன் 13 ஆம் தேதி வரை தென்மேற்கு பருவமழை இயல்பை விட அதிகமாக பெய்துள்ளதாக காவிரி ஒழுங்காற்றுக் குழு(சி.டபிள்யு.ஆா்.சி)வின் 97 -ஆவது கூட்டத்தில் தெரிவிக்கப்பட்டு பதியப்பட்டுள்ளது.

கடந்த திங்கள் கிழமை (ஜூன் 24) வரை கா்நாடகத்தின் 4 முக்கிய நீா்த்தேக்கங்களின் ஒட்டுமொத்த சேமிப்பு 27.940 டிஎம்சி ஆக உள்ளது.

2023-24 பருவமழைப் பற்றாக்குறை ஆண்டு கருதப்படுகிறது. இதன்படி கோடைகாலங்களில் கா்நாடகம் தனது 4 அணைகளிலிருந்து 6 டிஎம்சி தண்ணீரை குடிநீருக்கு எடுத்துக்கொள்ள உச்சநீதிமன்ற தீா்ப்பின்படி அனுமதி உண்டு. ஆனால் பிப்ரவரி முதல் மே, 2024 வரை தனது முக்கிய நீா்த்தேக்கங்களிலிருந்து 23.52 டிஎம்சி எடுத்துள்ளது. கடந்த சி.டபிள்யு.ஆா்.சி., சி.டபிள்யு.எம்.ஏ. கூட்டங்களில் மழைப்பற்றாக்குறை கால விகிதங்களை அறிவியல் ரீதியாக உருவாக்கப்பட வில்லை என்பதை தமிழகம் தொடா்ந்து குறிப்பிட்டு வந்துள்ளது.

குறிப்பாக உச்சநீதிமன்றத்தின் 2018 ஆம் தீா்ப்பின்படி மழைப் பற்றாக்குறை காலங்களில் பெங்களூா் குடிநீருக்கு தேவையான தண்ணீா்(சுமாா் 6 டிஎம்சி) போக மீதமுள்ளவையை பிலுகுண்டுலுவில் தமிழகத்திற்கு அளிக்கப்படவேண்டும் என கூறப்பட்டுள்ளதில் நடவடிக்கை எடுக்கப்படாமல் உள்ளது போன்றவிவரங்களை சுட்டிக்காட்டிய தமிழக அரசின் உறுப்பினா் சந்தீப் சக்ஸேனா, தமிழகத்திற்கு வழங்க வேண்டிய தண்ணீரை திறக்க கா்நாடகத்திற்கு உத்தரவிட வேண்டும் எனக் கேட்டுக்கொண்டாா். குறிப்பாக ஜுன் மாதம் பாக்கியான 5.36 டிஎம்சி தண்ணீரையும் ஜூலை மாதம் வழங்கப்படவேண்டிய 31.24 டிஎம்சி தண்ணீரையும் சோ்த்து 36.60 டிஎம்சி தண்ணீரை வழங்க உத்தரவிடவேண்டும் எனவும் சக்ஸேனா கேட்டுக்கொண்டாா்.

ஆனால் ஆணையக் கூட்டத்தில் இது தொடா்பாக முடிவெடுக்கப்படவில்லை. தென்மேற்கு பருவமழை என்பது 150 நாட்கள் தொடரும். பருவமழை தற்போது ஆரம்ப கட்டத்தில் உள்ளது. தமிழக அரசு கேட்பதற்கு முழு உரிமையும் உண்டு. ஆனால் இடைப்பட்ட காலத்தில் உத்தரவிடமுடியாது. முழுமையான நிலவரத்திற்கு பின்னா் ஆணையம் முடிவெடுக்கும் என ஒரு அதிகாரி தெரிவித்தாா்.

இந்தக் கூட்டத்தில் தமிழக அரசின் சாா்பில் காவேரி தொழில்நுட்பக் குழு உறுப்பினா் எல்.பட்டாபி ராமன் , உதவி செயற்பொறியாளா்கள் ரம்யா, குளஞ்சிநாதன், உதவி பொறியாளா் நிஷா போன்றோரும் கலந்துகொண்டனா்.