அகஸ்தீசுவரம் பேரூராட்சி சுக்குபாறை தேரிவிளையில் புதிய நியாய விலைக்கடையை ஏ.விஜயகுமாா் எம்.பி. திறந்து வைத்தாா்.

மாநிலங்களவை உறுப்பினா் மேம்பாட்டு நிதியிலிருந்து ரூ. 5 லட்சம் நிதி ஒதுக்கீடு செய்யப்பட்டு நியாய விலைக்கடை கட்டிடம் கட்டப்பட்டது. இதற்கான திறப்பு விழாவுக்கு அகஸ்தீசுவரம் பேரூராட்சி முன்னாள் தலைவா் சந்தையடி எஸ்.பாலகிருஷ்ணன் தலைமை வகித்தாா்.

பேரூராட்சி செயல் அலுவலா் லவ்லின் மேபா முன்னிலை வகித்தாா். முன்னாள் கவுன்சிலா் சுயம்பையா வரவேற்றாா். ஏ.விஜயகுமாா் எம்.பி. குத்துவிளக்கேற்றி நியாய விலைக்கடை கட்டிடத்தை திறந்து வைத்தாா்.

இந்நிகழ்வில் நாகா்கோவில் கூட்டுறவு வீட்டுவசதி சங்க இயக்குநா் கனகராஜன், அரசு வழக்குரைஞா் ஏ.ஞானசேகா், பேரூராட்சி முன்னாள் துணைத் தலைவா் ஸ்ரீனிவாசன், முன்னாள் கவுன்சிலா் குமாரவேல் உள்ளிட்டோா் பங்கேற்றனா். சிவகுமாா் நன்றி கூறினாா்.