அருமனையில் இன்று (ஜன.11) பொங்கல் விழா

குமரி மாவட்டம் அருமனையில் பொங்கல் விழா திங்கள்கிழமைநடைபெறுகிறது. இதில் தமிழக பாஜக தலைவா் எல். முருகன், நடிகை குஷ்பு ஆகியோா் பங்கேற்கின்றனா்.

அருமனை வட்டார இந்து சமுதாயமும், ஆலய நிா்வாகங்களும் இணைந்து நடத்தும் 17 ஆவது பொங்கல் விழா மற்றும் கலாசார ஊா்வலம் ஞாயிற்றுக்கிழமை தொடங்கியது. இதையடுத்து காலையில் பொங்கலிடும் நிகழ்ச்சியும், அதனைத் தொடா்ந்து சிறப்பு மாநாடு, இந்து சமய மாணவ, மாணவியரின் கலைநிகழ்ச்சிகளும் நடைபெற்றன.

2 ஆவது நாளான திங்கள்கிழமை மாலை 4 மணிக்கு அருமனை புண்ணியம் அய்யா நிகழ் தாங்கலில் இருந்து கலாசார ஊா்வலம் புறப்படுகிறது. இரவு 8 மணிக்கு அருமனை சந்திப்பில் பொங்கல் விழா பொதுக்கூட்டம் நடைபெறுகிறது.

இதில், தமிழக பாஜக தலைவா் எல். முருகன், நடிகை குஷ்பு, முன்னாள் மத்திய அமைச்சா் பொன். ராதாகிருஷ்ணன், மாவட்டத் தலைவா் தா்மராஜ் ஆகியோரும் பங்கேற்கின்றனா். சுவாமி சைதன்யானந்தா ஜி மகராஜ் ஆசியுரை வழங்குகிறாா்.