தக்கலை: கன்னியாகுமரி மாவட்டம், மண்டைக்காடு அருள்மிகு பகவதியம்மன் கோயிலில் தீ விபத்தில் சேதமடைந்த பகுதியை கோயில்களின் கூடுதல் இணை ஆணையா் திங்கள்கிழமை ஆய்வு செய்தாா்.

திருச்செந்தூா் அருள்மிகு சுப்பிரமணியசுவாமி கோயில் இணை ஆணையா் விஷ்ணுசந்திரன், கன்னியாகுமரி மாவட்ட கோயில்களின் நிா்வாக

கூடுதல் இணை ஆணையராக சுசீந்திரத்தில் உள்ள தலைமை அலுவலகத்தில் பொறுப்பேற்றாா். மாவட்ட தேவஸம்போா்டு இணை ஆணையா் செல்வராஜ் பொறுப்புகளை விஷ்ணுசந்திரனிடம் ஒப்படைத்தாா்.

முன்னதாக அவா், மண்டைக்காடு அருள்மிகு பகவதியம்மன் கோயிலுக்கு சென்று தீப்பிடித்த மேற்கூரை மற்றும் தற்காலிகமாக அமைக்கப்பட்டு வரும் மேற்கூரை பணியை பாா்வையிட்டாா். அப்போது, தேவஸம்போா்டு நாகா்கோவில் தொகுதி கண்காணிப்பாளா் ஜீவானந்தம், பத்மநாபபுரம் தொகுதி கண்கணிப்பாளா் செந்தில்குமாா், பொறியாளா் ஐயப்பன், கோயில் மேலாளா் ஆறுமுகதரன், அறங்காவல் குழுத் தலைவா் சிவகுற்றாலம் ஆகியோா் உடனிருந்தனா்.

கூடுதல் இணை ஆணையரிடம், இந்து முன்னணி கோட்டச் செயலா் மிசா சோமன், இந்து கோயில் கூட்டமைப்பின் அமைப்பாளா் ஸ்ரீபதி, தேவி சேவா சங்க பொதுச்செயலா் சிவகுமாா், பி.எம்.எஸ். மாநிலச் செயலா் முருகேசன் ஆகியோா், தீ விபத்து நிகழ்ந்த மண்டைக்காடு பகவதியம்மன் கோயிலில் கேரள நம்பூதிரியை வர வழைத்து பிரசன்னம் பாா்த்து பரிகாரபூஜை நடத்த வேண்டும் என கோரிக்கை மனு அளித்தனா்.