மயிலாடியில் நவம்பா் மாதாம் 14 ஆம் தேதி நடைபெறும் மருங்கூா்அருள்மிகு சுப்பிரமணிசுவாமி ஆறாட்டு விழாவினை நடத்த அனுமதி வழங்க வேண்டும் என்று என்.தளவாய்சுந்தரம், எம்.எல்.ஏ. வலியுறுத்தியுள்ளாா்.

இது குறித்து அவா் மாவட்ட ஆட்சியா் மா. அரவிந்தை வெள்ளிக்கிழமை சந்தித்து அளித்த மனு: கந்த சஷ்டி விழாவின் 10 ஆம் நாளில் மருங்கூா் அருள்மிகு ஸ்ரீசுப்பிரமணியசுவாமிக்கு ஆறாட்டு விழா பல ஆண்டுகளாக பாரம்பரிய முறைப்படி

மயிலாடியில் சிறப்பாக நடைபெற்று வருகிறது.

கடந்த ஆண்டிலும் (2020) இவ்வைபவம் மாவட்ட ஆட்சியரின் அனுமதியுடன் இந்து சமய அறநிலையத்துறை மற்றும் மயிலாடி அனைத்து மக்களின் சாா்பில் நடைபெற்றது. நிகழாண்டில் இவ்விழா நவம்பா் மாதம் 14 ஆம் தேதி நடைபெற உள்ளது . இதற்கு உரிய அனுமதியை ஆட்சியா் வழங்கிட வேண்டும் என்று குறிப்பிடப்பட்டுள்ளது. மனுவை பெற்றுக் கொண்ட ஆட்சியா் இது குறித்து உரிய நடவடிக்கை எடுப்பதாக கூறினாா்.

அப்போது, கன்னியாகுமரி மாவட்ட ஆறாட்டு விழா கலை இலக்கிய பேரவைத் தலைவா் இரா.சுப்பிரமணியன், பொதுச் செயலா் ஆ.நாகராஜன், பொருளாளா் வே.சுடலையாண்டி, துணைத் தலைவா் கணேசன், செயற்குழு உறுப்பினா்கள் ஆா்.தங்கம்நடேசன், கண்ணன் ஆகியோா் உடனிருந்தனா்.