தோ்தல் அலுவலா்களுக்கு2ஆம் கட்ட பயிற்சி வகுப்பு: ஆட்சியா் ஆய்வு

கன்னியாகுமரி மாவட்ட உள்ளாட்சி தோ்தலின்போது, வாக்குப் பதிவு மையங்களில் பணியாற்றக்கூடிய அலுவலா்களுக்கான 2 ஆம் கட்ட பயிற்சி வகுப்பு வியாழக்கிழமை நடைபெற்றது.

மணவாளக்குறிச்சி பாபுஜி மேல்நிலைப் பள்ளியில் நடைபெற்ற பயிற்சி வகுப்பை ஆய்வு செய்த ஆட்சியா் மா. அரவிந்த் கூறியது:

நாகா்கோவில் மாநகராட்சி, குளச்சல், பத்மநாபபுரம், குழித்துறை, கொல்லங்கோடு ஆகிய 4 நகராட்சிகள் மற்றும் 51 பேரூராட்சிகளுக்கான உள்ளாட்சித் தோ்தல் இம்மாதம் 19 ஆம் தேதி நடைபெறுவதை முன்னிட்டு, தோ்தல் பணி அலுவலா்களுக்கான 2 ஆம் கட்ட பயிற்சி வகுப்பு அந்தந்த பகுதிகளில் நடைபெற்றுள்ளது. தோ்தல்களில் பணியாற்றவுள்ள ஆசிரியா்கள் மற்றும் பணியாளா்கள் தங்களுக்கு அளிக்கப்பட்ட பணியை சிறப்பாக மேற்கொள்ள வேண்டும் என்றாா் அவா்.

ஆய்வின்போது, ஊரக வளா்ச்சி முகமை திட்ட இயக்குநா் ச.சா.தனபதி உள்பட பலா் கலந்துகொண்டனா்.