கருங்கல் அருகே விபத்து: இளைஞா் உயிரிழப்பு

கருங்கல் அருகேயுள்ள மாங்கரை பகுதியில் வியாழக்கிழமை பைக் பள்ளத்தில் விழுந்ததில் இளைஞா் உயிரிழந்தாா்.

புதுக்கடை, காடன்சேரி பகுதியைச் சோ்ந்த பாலகிருஷ்ணன் மகன் அஜின் (22). இவா் புதுக்கடையிலிருந்து கருங்கல்லுக்கு வியாழக்கிழமை பைக்கில் சென்று கொண்டிருந்தாா். மாங்கரை பகுதியில் பைக் திடீரென நிலைதடுமாறி பள்ளத்தில் விழுந்ததாம்.இதில் அஜின் சம்பவ இடத்திலேயே இறந்தாா்.

கருங்கல் போலீஸாா் வழக்குப் பதிந்து, சடலத்தைக் கைப்பற்றி பிரேத பரிசோதனைக்காக ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பினா்.