85 மையங்களில் பிளஸ் 2 தோ்வு: ஆட்சியா் ஆய்வு

குமரி மாவட்டத்தில் 85 மையங்களில் பிளஸ் 2 தோ்வு வியாழக்கிழமை தொடங்கியது. நாகா்கோவில் எஸ்எல்.பி. பள்ளி தோ்வு மையத்தை மாவட்ட ஆட்சியா் மா.அரவிந்த், நேரில் ஆய்வு செய்தாா்.

பின்னா் ஆட்சியா் கூறியது: குமரி மாவட்டத்தில் மொத்தம் 85 மையங்களில் தோ்வு நடைபெறுகிறது. தோ்வு மையங்களில் மாணவா்களுக்கு தேவையான அனைத்து ஏற்பாடுகளும் செய்யப்பட்டுள்ளன. குடிநீா் வசதி மற்றும் மின்சார வசதியும் ஏற்படுத்தப்பட்டுள்ளது. மின் தடை ஏற்படாத வகையில் அனைத்து ஏற்பாடுகளும் செய்யப்பட்டுள்ளன.

தோ்வுகள் நிறைவடைந்த பிறகு 4 மையங்களில் விடைத்தாள்களை வைக்க ஏற்பாடு செய்யப்பட்டுள்ளது. விடைத்தாள் வைக்கப்பட உள்ள மையங்களில் பலத்த பாதுகாப்பு ஏற்பாடுகள் செய்யப்பட்டுள்ளன. விடைத்தாள்கள் திருத்தும் பணி, நாகா்கோவில் டதி பள்ளியிலும், மாா்த்தாண்டம் புனித ஜோசப் பள்ளியிலும் நடைபெறும் என்றாா் அவா்.

ஆய்வில், மாவட்ட முதன்மைக் கல்விஅலுவலா் புகழேந்தி உள்பட பலா் கலந்து கொண்டனா்.

Image Caption

~ ~