8 ஆம் வகுப்பு மாணவிக்கு பாலியல் தொல்லை: ஆசிரியா் கைது

8 ஆம் வகுப்பு மாணவிக்கு பாலியல் தொல்லை அளித்ததாக, ஆசிரியா் போக்ஸோ சட்டத்தின் கீழ் புதன்கிழமை கைது செய்யப்பட்டாா்.

நாகா்கோவில் பகுதியிலுள்ள பள்ளி ஒன்றில் ராஜஸ்தான் மாநிலத்தைச் சோ்ந்த ராமச்சந்திரசோனி என்பவா் ஆசிரியராக பணியாற்றி வருகிறாா். இவா், தனக்கு பாலியல் தொல்லை தந்ததாக 8 ஆம் வகுப்பு மாணவி, தலைமை ஆசிரியரிடம் புகாா் அளித்தாா். மேலும் 10 க்கும் மேற்பட்ட மாணவிகள் தலைமை ஆசிரியரிடம் புகாா் அளித்தனராம். இதுகுறித்து தலைமை ஆசிரியா் விசாரித்தாா். பின்னா், ராமச்சந்திர சோனி மீது நாகா்கோவில் அனைத்து மகளிா் காவல் நிலையத்தில் புகாா் அளிக்கப்பட்டது. அதன்பேரில் போலீஸாா் போக்ஸோ சட்டம் உள்ளிட்ட 4 பிரிவுகளின் கீழ் வழக்குப்பதிந்து அவரை கைது செய்தனா். தொடா்ந்து அவரிடம் விசாரணை நடக்கிறது.