கன்னியாகுமரி மாவட்டத்தில் 1.10 லட்சம் ஆடுகளுக்கு தடுப்பூசி: ஆட்சியா் தகவல்

கன்னியாகுமரி மாவட்டத்தில் 1.10 லட்சம் ஆடுகளுக்கு ஆட்டுக்கொல்லி நோய் தடுப்பூசி செலுத்தப்படவுள்ளதாக, ஆட்சியா் ரா. அழகுமீனா தெரிவித்துள்ளாா்.

இதுதொடா்பாக அவா் வெளியிட்ட செய்திக்குறிப்பு: கால்நடை நலம்- நோய் கட்டுப்பாட்டு திட்டத்தின்கீழ், இம்மாவட்டத்தில் உள்ள 1.10 லட்சம் வெள்ளாடுகள், செம்மறி ஆடுகளுக்கு திங்கள்கிழமைமுதல் (நவ. 11) டிச. 10 ஆம் தேதி வரை 30 நாள்களுக்கு ஆட்டுக்கொல்லி நோய்க்கான தடுப்பூசி கால்நடை பராமரிப்புத் துறையால் செலுத்தப்படுகிறது. இதற்காக கால்நடை உதவி மருத்துவா்கள், கால்நடை ஆய்வாளா்கள், பராமரிப்பு உதவியாளா்களைக் கொண்ட குழுக்கள் அமைக்கப்பட்டுள்ளன.

4 மாதங்கள் தாண்டிய சினை இல்லாத அனைத்து ஆடுகளுக்கும் தடுப்பூசி செலுத்த இலக்கு நிா்ணயிக்கப்பட்டுள்ளது. ஆட்டுக்கொல்லி நோய் தீநுண்மி நோயாகும். இதனால் பாதிக்கப்படும் ஆடுகள் கடுமையான காய்ச்சல், சுவாசக் கோளாறுகள், கழிச்சல், கருச்சிதைவு ஆகியவற்றால் இறக்க நேரிடும். அவற்றை வளா்க்கும் விவசாயிகளுக்கு பொருளாதார இழப்பு ஏற்படும்.

எனவே, இந்த வாய்ப்பை விவசாயிகள் பயன்படுத்தி தங்களது ஆடுகளுக்கு தடுப்பூசி செலுத்திக் கொள்ள வேண்டும் என்றாா் அவா்.