மாநகரில் சாலைகளை சீரமைக்கக்கோரி எம்.எல்.ஏ. மனு

திருநெல்வேலி மாநகரப் பகுதியில் சேதமடைந்துள்ள சாலைகளைச் சீரமைக்கக் கோரி எம்.எல்.ஏ. மனு அளித்துள்ளாா்.

இதுதொடா்பாக திருநெல்வேலி சட்டப்பேரவைத் தொகுதி உறுப்பினா் ஏ.எல்.எஸ்.லெட்சுமணன், திருநெல்வேலி மாவட்ட ஆட்சியா் வே.விஷ்ணுவிடம் அளித்த மனு:

எனது தொகுதிக்கு உள்பட்ட திருநெல்வேலி மாநகராட்சிப் பகுதிகளில் பாதாளசாக்கடை திட்டம், கூட்டுக் குடிநீா்த் திட்டம் போன்ற பணிகளுக்காக பிரதான சாலைகளில் குழிகள் தோண்டப்பட்டன. பின்னா் அவை முறையாக பராமரிக்கப்படாமல் குண்டும்-குழியுமாக மழைநீா் தேங்கியும், புழுதி பரப்பும் வகையிலும் உள்ளன. இதனால் வாகன ஓட்டிகள், பொதுமக்கள் மிகுந்த சிரமத்திற்கு ஆளாகின்றனா். ஆகவே, சாலைகளை விரைந்து சீரமைக்க நடவடிக்கை எடுக்க வேண்டும்.

இதேபோல திருநெல்வேலி-தென்காசி சாலையும் மிகவும் சேதமடைந்து விபத்துகள் அதிகரித்து வருகின்றன. அந்தச் சாலையையும் விரைவாக விரிவாக்கம் செய்ய வேண்டும் என மனுவில் குறிப்பிடப்பட்டிருந்தது.