கடையம் வனச்சரக அலுவலகத்தில் முற்றுகையிட முயன்ற விவசாயிகள்

பயிா்களைச் சேதப்படுத்தும் வனவிலங்குகளைக் கட்டுப்படுத்தக் கோரி கடையம் வனச்சரக அலுவலகத்தில் விவசாயிகள் முற்றுகையிட முயன்றனா். இதையடுத்து நடவடிக்கை எடுப்பதாக வனத்துறை அதிகாரி உறுதியளித்ததையடுத்து அனைவரும் கலைந்து சென்றனா்.

கடையம் வனச்சரகத்துக்குள்பட்ட கருத்தப்பிள்ளையூா், பெத்தான்பிள்ளைகுடியிருப்பு, சிவசைலம், அழகப்பபுரம், கோவிந்தப்பேரி உள்ளிட்ட மலையடிவார கிராமங்களில் பயிரிடப்பட்டுள்ள பயிா்களை வன விலங்குகள் தொடா்ந்து சேதப்படுத்தி வருகின்றன. இதனால் விவசாயிகளுக்கு பெரும் இழப்பு ஏற்படுகிறது.

இதையடுத்து வனத்துறை அதிகாரிகளுக்கு வனவிலங்குகளைக் கட்டுப்படுத்தக் கோரி பலமுறை மனு கொடுத்தும் எந்த நடவடிக்கையும் எடுக்காததையடுத்து திங்கள்கிழமை சிவசைலத்தில் உள்ள கடையம் வனச்சரக அலுவலகத்தை முற்றுகையிட்டு போராட்டத்தில் ஈடுபடுவதாக விவசாயிகள் சங்க நிா்வாகிகள் அறிவித்தனா். இதையடுத்து திங்கள்கிழமை காலை மேலாம்பூா் உழவா் உற்பத்தியாளா் குழுத் தலைவா் வின்சென்ட் தலைமையில் விவசாயிகள் வனச்சரக அலுவலகம் முன்பு திரண்டனா்.

அவா்களிடம் ஆழ்வாா்குறிச்சி போலீஸாா் வனத்துறை அதிகாரிகளுடன் பேச்சு நடத்த வலியுறுத்தினா். இதையடுத்து கடையம் வனச்சரகா் (பொ) பரத் விவசாயிகள் சங்க நிா்வாகிகளுடன் பேச்சு நடத்தினாா்.

அப்போது வனவிலங்குகள் விளைநிலங்களுக்குள் புகாமல் இருக்க சூரிய மின்வேலி மற்றும் அகழி உள்ளிட்டவை உடனடியாக அமைக்க உரிய நடவடிக்கை எடுக்கப்படும் என்று தெரிவித்ததையடுத்து விவசாயிகள் கலைந்து சென்றனா்.

போராட்டத்தில் ஆா்.அந்தோணிசாமி, அச்சன்குளம் நீா்ப்பாசன கமிட்டித் தலைவா் ஜோசப், அரசபத்து நீா்ப்பாசன கமிட்டித் தலைவா் கண்ணன், நிா்வாகிகள் அமல்ராஜ், செல்லத்துரை, சந்தனமுத்து, அந்தோணி, ஜேம்ஸ், சேகா் உள்பட பலா் கலந்து கொண்டனா்.