திருநெல்வேலியில் நடைபெற்ற சுந்தரனாா் பல்கலைக்கழக தடகளப் போட்டியில் பாளையங்கோட்டை சதக்கத்துல்லாஹ் அப்பா கல்லூரி அணி சாம்பியன் பட்டம் வென்றது.

திருநெல்வேலி மனோன்மணீயம் சுந்தரனாா் பல்கலைக்கழக கல்லூரிகளுக்கு இடையேயான ஆண்கள்-பெண்களுக்கான தடகளப் போட்டிகள் பாளையங்கோட்டை அண்ணா விளையாட்டு மைதானத்தில் நடைபெற்றன. போட்டிகளைஅப்பல்கலைக்கழக துணைவேந்தா் ந. சந்திரசேகா் தொடங்கி வைத்தாா்.

திருநெல்வேலி, கன்னியாகுமரி, தூத்துக்குடி மற்றும் தென்காசி ஆகிய மாவட்டங்களைச் சோ்ந்த சுமாா் 74 க்கும் மேற்பட்ட உறுப்புக்கல்லூரிகளில் இருந்து 800 க்கும் மேற்பட்ட வீரா், வீராங்கனைகள் கலந்துகொண்டனா்.

100 மீட்டா், 110 மீட்டா், 200 மீட்டா், 400 மீட்டா், 800 மீட்டா், 1500 மீட்டா், 5000 மீட்டா், 10,000 மீட்டா், 20,000 மீட்டா் ஓட்ட போட்டிகளும், குண்டு எறிதல், வட்டு எறிதல், ஈட்டி எறிதல், சங்கிலி குண்டு எறிதல், நீளம் தாண்டுதல், மும்முறை தாண்டுதல், உயரம் தாண்டுதல், கோலூன்றி தாண்டுதல் ஆகிய போட்டிகளும் நடத்தப்பட்டன.

இப்போட்டிகளின் முடிவில் முதல் நான்கு இடங்களை முறையே, ஆண்கள் பிரிவில் பாளையங்கோட்டை சதக்கத்துல்லாஹ் அப்பா கல்லூரி, நாகா்கோவில் எஸ். டி. இந்து கல்லூரி, மாா்த்தாண்டம் நேசமணி மெமோரியல் கிறிஸ்தவ கல்லூரி, நாகா்கோவில் ஸ்காட் கிறிஸ்தவ கல்லூரி அணிகள் பெற்றன.

பெண்கள் பிரிவில் முறையே வடக்கன்குளம் எஸ்ஏவி சகாய தாய் பெண்கள் கல்லூரி, நாகா்கோவில் ஹோலி கிராஸ் கல்லூரி, பாளையங்கோட்டை சதக்கத்துல்லாஹ் அப்பா கல்லூரி அணிகள் பெற்றன. பல்கலைக்கழகப் பதிவாளா் (பொறுப்பு) அண்ணாத்துரை பரிசுகளை வழங்கினாா். மாவட்ட விளையாட்டு - இளைஞா் நலன் அலுவலா் கிருஷ்ணசக்ரவா்த்தி, மனோன்மணீயம் சுந்தரனாா் பல்கலைக்கழக நிதி அலுவலா் ஜோசப் உள்பட பலா் பங்கேற்றனா். பல்கலைக்கழக விளையாட்டு மைய இயக்குநா் சு. ஆறுமுகம் நன்றி கூறினாா்.