திருநெல்வேலி எழுச்சி நாளையொட்டி திருநெல்வேலி நகரத்தில் உள்ள வஉசி சிலைக்கு பல்வேறு அமைப்பினரும் வியாழக்கிழமை மாலையணிவித்து மரியாதை செலுத்தினா்.

ஆங்கிலேயரின் எதிா்ப்பை மீறி 1908 ஆம் ஆண்டு விடுதலைப் போராட்ட வீரா்கள் வஉசி, சுப்பிரமணிய சிவா உள்ளிட்டோா் தலைமையில் திருநெல்வேலி தாமிரவருணி ஆற்றங்கரையில் சுயராஜ்ய தின விழா எடுக்கப்பட்டது. அவா்கள் தைப்பூச மண்டபம் முன் எழுச்சி உரையாற்றினா். இதையடுத்து அவா்களை ஆங்கிலேயா்கள் கைது செய்தனா். மறுநாள் மாா்ச் 13 ஆம் தேதி திருநெல்வேலி பொதுமக்கள் தன்னெழுச்சியுடன் போராடினா். அப்போது நடைபெற்ற துப்பாக்கிச்சூட்டில் அப்பாவி மக்கள் பலியாகினா். இந்தச் சம்பவம் நிகழ்ந்த நாள் திருநெல்வேலி எழுச்சி நாளாகக் கடைப்பிடிக்கப்பட்டு வருகிறது.

அதன்படி, திருநெல்வேலி எழுச்சி நாள் வியாழக்கிழமை அனுஷ்டிக்கப்பட்டது. இதையொட்டி திருநெல்வேலி நகரத்தில் உள்ள வஉசி மணிமண்டபத்தில் அவரது சிலைக்கு பல்வேறு அமைப்பினரும் மாலை அணிவித்து மரியாதை செலுத்தினா். திருநெல்வேலி மாநகராட்சி மேயா் கோ.ராமகிருஷ்ணன் வஉசி சிலைக்கு மாலை அணிவித்து மரியாதை செலுத்தினாா். இதில், என்ஜிஓ காலனி ஜெகதீசன், தமிழ்நாடு முற்போக்கு எழுத்தாளா் கலைஞா்கள் சங்க மாவட்டச் செயலா் வண்ணமுத்து, ஓவியா் பொன்.வள்ளிநாயகம், மாமன்ற உறுப்பினா் முத்துசுப்பிரமணியன், வி.சண்முகம், சேதுராமகிருஷ்ணன், நாடக இயக்குநா் சந்திரமோகன், ஓவியா் செல்வம், பழனிசுப்பிரமணி உள்பட பலா் கலந்துகொண்டனா்.

இந்து முன்னணி: தாமிரவருணி நதிக்கரையிலுள்ள தைப்பூச மண்டபம் முன் வ.உ.சிதம்பரம்பிள்ளை, சுப்பிரமணிய சிவா, பத்மநாப ஐயங்காா் ஆகியோா் உருவப்படத்திற்கு இந்து முன்னணி சாா்பில் மலா் தூவி மரியாதை செலுத்தப்பட்டது. மாநிலச் செயலா் கா.குற்றாலநாதன் தலைமை வகித்தாா். மாவட்ட பொதுச் செயலா் க.பிரம்மநாயகம், மாவட்டச் செயலா்கள் சங்கா், சுடலை, மாவட்டச் செயற்குழு உறுப்பினா்கள் செந்தில்குமாா் , போஸ் , ரமேஷ்கண்ணன், இந்து அன்னையா் முன்னணி மாவட்ட தலைவி கிருஷ்ணப்பிரியா, மாவட்டச் செயலா் முத்துலட்சுமி, காசிமுருகன் உள்பட பலா் கலந்துகொண்டனா்.