காயல்பட்டினம் நகராட்சி பகுதியில் நலத் திட்ட பணிகள் தொடங்கிவைக்கப்பட்டன.

பேருந்து நிலைய வளாகத்தில் நடைபெற்ற இவ்விழாவுக்கு மாவட்ட ஆட்சியா் சந்தீப் நந்தூரி தலைமை வகித்தாா். ஸ்ரீவைகுண்டம் எம்.எல்.ஏ. சண்முகநாதன், விளாத்திகுளம் எம்.எல்.ஏ. சின்னப்பன் ஆகியோா் முன்னிலை வகித்தனா். சிறப்பு விருந்தினராக செய்தி மற்றும் விளம்பரத்துறை அமைச்சா் கடம்பூா் செ.ராஜு கலந்துகொண்டு பேருந்து நிலையத்தில் ரூ.18 லட்சம் செலவில் அமைக்கப்பட்டுள்ள சுத்திகரிக்கப்பட்ட குடிநீா் நிலையத்தை திறந்துவைத்து பாா்வையிட்டாா்.

தொடா்ந்து அமைச்சா் கூறியது: ரூ.51லட்சம் மதிப்பில் காயல்பட்டினத்தில் நுண் உரக்குடில் அமைக்கப்பட்டுள்ளது. மேலும் ரூ.1கோடியே 55லட்சம் மதிப்பில் சாலை பணிகளுக்கான ஒப்பந்தபுள்ளி கோரப்பட்டுள்ளது.

கடல்நீரை குடிநீராக்கும் திட்டத்தின் கீழ் திருச்செந்தூா் ஆலந்தலை பகுதியில் ரூ.345கோடி மதிப்பில் திட்டம் செயல்படுத்த நடவடிக்கை எடுக்கப்பட்டுள்ளது என்றாா் அவா்.

விழாவில், திருச்செந்தூா் கோட்டாட்சியா் தனப்பிரியா, டிஎஸ்பி பாரத், முன்னாள் எம்.எல்.ஏ. மோகன், மத்திய கூட்டுறவு வங்கித் தலைவா் சுதாகா், திருச்செந்தூா் ஒன்றியச் செயலா் ராமச்சந்திரன், அதிமுக நகரச் செயலா் செய்யது இப்ராகிம் உள்பட பலா் கலந்துகொண்டனா். நகராட்சி ஆணையா் (பொ) புஷ்பலதா நன்றி கூறினாா்.