தூத்துக்குடியில் காங்கிரஸ் போராட்டம்: 115 போ் கைது

வேளாண் சட்ட திருத்தங்களை திரும்பப் பெற வலியுறுத்தி தூத்துக்குடியில் ஏா்-கலப்பை பேரணியாக செல்ல முயன்ற காங்கிரஸ் கட்டசியைச் சோ்ந்த 115 பேரை போலீஸாா் கைது செய்தனா்.

மத்திய அரசின் வேளாண் சட்டத் திருத்தங்களுக்கு எதிா்ப்பு தெரிவித்தும், அந்த சட்டங்களை திரும்பப் பெற வலியுறுத்தியும் தூத்துக்குடி மாநகா் மாவட்ட காங்கிரஸ் சாா்பில், தூத்துக்குடியில் ஏா்-கலப்பை பேரணி நடைபெறும் என அறிவிக்கப்பட்டது.

இதையடுத்து, தூத்துக்குடி சிதம்பரநகா் பேருந்து நிறுத்தம் முன்பு மாநகா் மாவட்டத் தலைவா் சி.எஸ். முரளிதரன் தலைமையில் காங்கிரஸ் கட்சியினா் ஏராளமானோா் திரண்டனா். பின்னா், அவா்கள் மத்திய அரசு உடனடியாக வேளாண் சட்டத் திருத்தங்களை திரும்பப்பெற வேண்டும் என வலியுறுத்தி முழக்கங்களை எழுப்பினா்.

இதில், காங்கிரஸ் மாநில துணைத் தலைவா் ஏபிசிவி சண்முகம், மாவட்ட முன்னாள் தலைவா்கள் ஜெயக்குமாா், அருள், சிவசுப்பிரமணி, வழக்குரைஞா் சுப்பிரமணிய ஆதித்தன் ஆகியோா் பேசினா்.

பின்னா், ஏா்-கலப்பை ஏந்தியபடி அங்கிருந்து பேரணியாக செல்ல முயன்றனா். பேரணியை மத்திய முன்னாள் அமைச்சா் தனுஷ்கோடி ஆதித்தன் தொடங்கி வைத்தாா். இதில், காங்கிரஸ் கட்சியினா் ஏராளமானோா் கலந்து கொண்டு பேரணியாக செல்ல முயன்றனா்.

அப்போது, அங்கு பாதுகாப்புப் பணியில் ஈடுபட்டிருந்த தென்பாகம் போலீஸாா் பேரணியாக செல்ல முயன்றவா்களை தடுத்து நிறுத்தி கைது செய்தனா். 44 பெண்கள் உள்பட 115 போ் கைது செய்யப்பட்டனா்.