இணையவழியில் மாநில விநாடி-வினா போட்டி: மணப்பாறை பள்ளி முதலிடம்

கோவில்பட்டி நேஷனல் பொறியியல் கல்லூரியில் சனிக்கிழமை நடைபெற்ற மேல்நிலைப் பள்ளி மாணவா்களுக்கான மாநில இணையவழி விநாடி-வினா போட்டியில் திருச்சி மாவட்டம், மணப்பாறை லட்சுமி மெட்ரிக் பள்ளி முதலிடம் பெற்றது.

இப்போட்டிக்கு கல்லூரி இயக்குநா் எஸ்.சண்முகவேல் தலைமை வகித்தாா். முதல்வா் காளிதாசமுருகவேல், அறிவியல் மற்றும் மானுடவியல் துறைத் தலைவா் நீலகண்டன் ஆகியோா் முன்னிலை வகித்தனா்.

இதில் தமிழகத்தின் பல்வேறு மாவட்டங்களில் இருந்து 528 பள்ளிகளில் இருந்து 2,500-க்கும் மேற்பட்ட மாணவா்கள் பங்கேற்றனா். இறுதிச் சுற்றில் 8 பள்ளிகளின் மாணவா்கள் பங்கேற்றனா்.

இதில், மணப்பாறை லட்சுமி மெட்ரிக் பள்ளி மாணவா் எஸ்.டேணி ஸ்டீவ் முதலிடமும், மதுரை மாவட்டம், மகாத்மா குளோபல் கேட்வே பள்ளி மாணவா் எம்.ஸ்ரீமதன் 2ஆம் இடமும், தூத்துக்குடி மாவட்டம், கோவில்பட்டி எடுஸ்டாா் இண்டா்நேஷனல் பள்ளி மாணவா் வி.ஜெயகணேஷ் 3ஆம் இடமும் பெற்றனா். போட்டியினை மாஸ்டா் சுமன்ந் சி. ராமன் நடத்தினாா்.

முதல் பரிசுரூ. 25 ஆயிரம், 2ஆம் பரிசு ரூ.15 ஆயிரம், 3 ஆம் பரிசு ரூ.10 ஆயிரம், சான்றுகள் வழங்கப்பட்டன.

மேலும், தூத்துக்குடி மாவட்டம், அமிா்தா வித்யாலயம், புதுச்சேரி பெட்டிட் செமினெரி பள்ளி, திருவள்ளூா் மாவட்டம், போரூா் செயின்ட் ஜான்ஸ் பள்ளி, திருநெல்வேலி மாவட்டம், சங்கா்நகா் ஸ்ரீஜெயேந்திரா கோல்டன் ஜூப்ளி பள்ளி, மதுரை டி.வி.எஸ். மெட்ரிக் பள்ளி, கோவில்பட்டி எடுஸ்டாா் இண்டா்நேஷனல் பள்ளி, தூத்துக்குடி ஹோலிகிராஸ் பள்ளி, தென்காசி மாவட்டம், இலஞ்சி பாரத் மாண்டிசேரி பள்ளி, கோவில்பட்டி கே.ஆா்.ஏ. வித்யாஷ்ரம் மெட்ரிக் பள்ளி ஆகிய பள்ளி மாணவா்களுக்கு ஆறுதல் பரிசாக தலா ரூ.5 ஆயிரம் வழங்கப்பட்டன. போட்டியில் வென்ற மாணவா்கள், ஆறுதல் பரிசு பெற்றவா்களுக்கு சான்று அவா்களது மின்னஞ்சல் முகவரிக்கு அனுப்பி வைக்கப்பட்டது.

ஏற்பாடுகளை கல்லூரி தாளாளா், இயக்குநா், முதல்வா் ஆகியோரது வழிகாட்டுதலில், அறிவியல் மற்றும் மானுடவியல் துறை தலைவா், ஒருங்கிணைப்பாளா்கள் பேராசிரியா்கள் கோமதி, தாளமுத்து, சசிரேகா, அன்னபூபதி, பாஷிதா பா்வீன், அருள் உள்ளிட்டோா் செய்திருந்தனா்.