சாத்தான்குளம் பள்ளியில் விழிப்புணா்வு கலை நிகழ்ச்சி

சாத்தான்குளம் டிஎன்டிடிஏ தூய ஸ்தேவான் துவக்கப் பள்ளியில் தமிழக அரசின் இல்லம் தேடி கல்வி திட்டம் குறித்த விழிப்புணா்வு கலை நிகழ்ச்சி நடைபெற்றது.

பள்ளி தாளாளரும், சேகர குருவானவருமான செல்வன்மகாராஜா தலைமை வகித்தாா். பள்ளி தலைமை ஆசிரியை வேதராணி வரவேற்றாா். வட்டார வள மைய ஆசிரியா் பயிற்றுநா் விஜயன், இல்லம் தேடி கல்வியின் சிறப்புகள் குறித்து மாணவா்களுக்கு எடுத்துரைத்தாா். இதையடுத்து தூத்துக்குடி மக்கள் எழுச்சி கலைக்குழு தலைவா் காசிராஜன் தலைமையில் கலைக்குழுவினா் முரளிகுமாா், அருண்குமாா் உள்ளிட்ட குழுவினா் கரோனா தொற்றால் மாணவா்கள் இழந்த கல்வியை மீட்டெடுப்பது குறித்தும், கல்வியின் ஊக்கம் குறித்தும் பாடல்கள், நடனங்கள், கரகாட்டம், ஒயிலாட்டம், நாடகம் உள்ளிட்ட கலைநிகழ்ச்சியின் மூலம் மாணவா்களுக்கு எடுத்துரைத்தனா். கேள்விகளுக்கு பதிலளித்த மாணவா்களுக்கு பரிசுகள் வழங்கப்பட்டது. உதவி ஆசிரியை யுனைசி நன்றி கூறினாா்.