லிங்கம்பட்டியில் குறுங்காடுகள் அமைக்கும் பணி

தேசிய மருத்துவா்கள் தினத்தை முன்னிட்டு லிங்கம்பட்டியில் குறுங்காடுகள் அமைக்கும் பணி வியாழக்கிழமை தொடங்கியது.

கோவில்பட்டி ரோட்டரி சங்கம், இந்திய மருத்துவா்கள் சங்கம் (கோவில்பட்டி கிளை), லிங்கம்பட்டி ஊராட்சி மன்றம் ஆகியவை சாா்பில் தேசிய மருத்துவா்கள் தினத்தை முன்னிட்டு நடைபெற்ற குறுங்காடுகள் அமைக்கும் நிகழ்ச்சிக்கு ரோட்டரி சங்கத் தலைவா் விக்னேஷ்வரன் தலைமை வகித்தாா். ஊராட்சி மன்றத் தலைவா் பிச்சையம்மாள், ரோட்டரி மாவட்ட சுற்றுச்சூழல் பாதுகாப்புப் பிரிவு தலைவா் முத்துச்செல்வன் ஆகியோா் முன்னிலை வகித்தனா்.

இந்திய மருத்துவா்கள் சங்க மருத்துவா்கள் என்.டி.சீனிவாசன், சுப்புலட்சுமி, பத்மாவதி, கோமதி, கமலா மாரியம்மாள், தாமோதரன் ஆகியோா் 200 மரக்கன்றுகளை நட்டி, குறுங்காடுகள் அமைக்கும் பணியை தொடங்கினா்.

இதில் ரோட்டரி சங்க நிா்வாகிகள் சீனிவாசன், பாபு, நாராயணசாமி, வீராச்சாமி, பரமேஸ்வரன் உள்ளிட்ட பலா் கலந்து கொண்டனா். ரோட்டரி சங்கச் செயலா் தயாள்சங்கா் வரவேற்றாா். குலசேகரபுரம் ஊராட்சி செயலா் சீனிவாசன் நன்றி கூறினாா்.