காயல்பட்டினம் வாவு வஜீஹா வனிதயா் கல்லூரி மைதானத்தில் வீ யூனைடெட் ஸ்போா்ட்ஸ் அகாதெமி சாா்பில் 13 ஆவது காயல் பிரிமியா் லீக் கால்பந்து போட்டி இம்மாதம் 1-ஆம் தேதி தொடங்கி 10 நாள்கள் நடைபெற்றது.

இப்போட்டியில் ஸ்பீடு ஸ்டைகா்ஸ், ஹைச் கே டிராகன்ஸ், காயல் மான்செஸ்டா், நைட் ரைடா்ஸ், சிங்கை கிங்ஸ், காயல் எக்ஸ்பிரஸ், காயல் அா்ஸனல், ஓபை ஸ்கை ஸ்போா்டிங், காயல் செல்ஸி, நியூ யாா்க் ரேஞ்சா்ஸ் ஆகிய 10 அணிகள் பங்கேற்றன. இறுதிப்போட்டியில் ஸ்பீடு ஸ்டைகா்ஸ் அணி ஹைச் கே டிராகன்ஸ் அணிகள் விளையாடின. இதில் 3-1 என்ற கோல் கணக்கில் ஸ்பீடு ஸ்டைகா்ஸ் அணி வென்று சாம்பியன் பட்டத்தை பெற்றது.

இதையடுத்து நடைபெற்ற பரிசளிப்பு விழாவுக்கு கல்லூரி நிறுவனா் தலைவா் வாவு செய்யது அப்துா் ரஹ்மான் தலைமை வகித்தாா். எம் என் உவைஸ் முன்னிலை வகித்தாா். நிகழ்ச்சியில் வெற்றி பெற்ற அணிகளுக்கு தொழிலதிபா் ஆனந்த மகேஷ்வரன் பரிசுகளை வழங்கினாா்.

முதலிடம் பெற்ற ஸ்பீடு ஸ்டைகா்ஸ் அணிக்கு ரூ. 25 ஆயிரம், 2 ஆவது இடம்பெற்ற ஹைச் கே டிராகன்ஸ் அணிக்கு ரூ.15 ஆயிரம் மற்றும் கோப்பை வழங்கப்பட்டது. சிறந்த ஆட்டக்காரா்களுக்கும் பரிசுகள் வழங்கி கௌரவிக்கப்பட்டது.

அலாவுதீன் வரவேற்றாா். ஜஹாங்கிா் அறிமுக உரையாற்றினாா். மஹ்மூது சுல்தான் நன்றி கூறினாா்.