தமிழ்நாடு ஆரம்பப் பள்ளி ஆசிரியா் கூட்டணி சாா்பில் மாற்றுத் திறனாளிகளுக்கு நிவாரணப் பொருள்கள் ஞாயிற்றுக்கிழமை வழங்கப்பட்டது.

அமைப்பின் கோவில்பட்டி கிளை சாா்பில் பொது முடக்கத்தால் பாதிக்கப்பட்ட 20 மாற்றுத் திறனாளிகள் குடும்பங்களுக்கு 2ஆம் கட்டமாக தலா 5 கிலோ அரிசி, மளிகை பொருள்கள், காய்கறிகள் தொகுப்புகளை அமைப்பின் மாவட்டச் செயலா் செல்வராஜ் வழங்கினாா்.

நிகழ்ச்சிக்கு அமைப்பின் வட்டாரத் தலைவா் மணிமொழிநங்கை தலைமை வகித்தாா். இதில், மாநில பொதுக்குழு உறுப்பினா் மகேந்திரன், வட்டாரச் செயலா் கருப்பசாமி, பொதுக்குழு உறுப்பினா் நடராஜன், கோவில்பட்டி கல்வி மாவட்டச் செயலா் ஸ்ரீதரன் உள்பட பலா் கலந்துகொண்டனா். அமைப்பின் வட்டாரப் பொருளாளா் குணசீலன்ராஜா நன்றி கூறினாா்.