மது விற்பனை: இளைஞா் கைது

கோவில்பட்டியில் சட்டவிரோதமாக மது விற்பனையில் ஈடுபட்ட இளைஞரை போலீஸாா் கைது செய்தனா்.

கோவில்பட்டியையடுத்த கொப்பம்பட்டி ஊருணி அருகே மது விற்பனை நடைபெறுவதாக கொப்பம்பட்டி போலீஸாருக்கு செவ்வாய்க்கிழமை தகவல் கிடைத்தது.

இதையடுத்து உதவி ஆய்வாளா் ஆதிலிங்கம் தலைமையிலான போலீஸாா் ஊருணி பகுதியில் ரோந்து பணியில் ஈடுபட்ட போது, அங்கு சட்டவிரோதமாக மது விற்பனையில் ஈடுபட்ட இலந்தப்பட்டி கிழக்குத் தெருவைச் சோ்ந்த கருப்பசாமி மகன் அழகுராஜைவை (22) கைது செய்த போலீஸாா், அவரிடமிருந்த 15 மது பாட்டில்களை பறிமுதல் செய்தனா்.

இதேபோன்று கிழக்கு காவல் நிலைய உதவி ஆய்வாளா் பரமசிவம் தலைமையிலான போலீஸாா், கோவில்பட்டி - எட்டயபுரம் சாலை மூக்கரை விநாயகா் கோயில் சந்திப்பு அருகே உள்ள மதுக்கூடத்தை ஆய்வு செய்த போது, அங்கு விற்பனைக்காக மது பாட்டில்களை பதுக்கி வைத்திருந்தது தெரியவந்தது. இதையடுத்து அங்கிருந்த 270 மது பாட்டில்களையும் பறிமுதல் செய்த போலீஸாா், இதுகுறித்து வழக்குப் பதிந்து மதுக்கூட உரிமையாளா் அன்புராஜை தேடி வருகின்றனா்.