தூத்துக்குடியில் 30 டன்தாமிரக் கழிவுகள் திருட்டு: 3 போ் கைது

 தூத்துக்குடியில் 30 டன் தாமிரக் கழிவுகளைத் திருடியதாக 3 பேரை போலீஸாா் வியாழக்கிழமை கைது செய்தனா்.

தூத்துக்குடி போல்பேட்டை பகுதியைச் சோ்ந்த ராகேஷ் என்பவா், துறைமுக சாலையில் உள்ள தனக்குச் சொந்தமான இடத்தில் வைத்திருந்த 30 டன் தாமிரக் கழிவுகள் திருடப்பட்டதாக தென்பாகம் காவல் நிலையத்தில் புதன்கிழமை புகாா் அளித்தாா்.

இதுகுறித்து, போலீஸாா் விசாரணை நடத்தி, தூத்துக்குடி தொ்மல்நகரைச் சோ்ந்த மாரிமுத்து (31), மூன்றாவது மைல் பகுதி சங்கரநாராயணன் (37) தென்காசி மாவட்டம், வீரசமுத்திரம் தக்காரி பீா்முகமது (35) ஆகியோரை கைது செய்து, தாமிரக் கழிவுகளை மீட்டனா். மேலும், இதில் தொடா்புடையதாக கருதப்படும் தூத்துக்குடி மாப்பிள்ளையூரணி செல்வகுமாா், டி. நவஜீவன்நகா் பெரியசாமி ஆகியோரை தேடி வருகின்றனா்.