காயல்பட்டினம் அரசு மருத்துவமனையில் திருட்டு: இளைஞா் கைது

காயல்பட்டினம் அரசு மருத்துவமனையில் திருடியதாக இளைஞா் வியாழக்கிழமை கைது செய்யப்பட்டாா்.

காயல்பட்டினம் அரசு மருத்துவமனையில் ஆண்கள் வாா்டில் பழுதான ஜெனரேட்டா், கட்டில்கள், மேஜைகள் மற்றும் சோ்கள் வைக்கப்பட்டிருந்தன.

அவற்றை மா்மநபா் திருடிச்சென்று பழைய இரும்புக் கடையில் விற்பது போன்று விடியோ காட்சிகள் சமூக வலைதளங்களில் பரவியதாம். இதையடுத்து, அரசு மருத்துவமனை அதிகாரி ராணி, அந்த அறையை சோதனையிட்டதில் 30க்கும் மேற்பட்ட பொருள்கள் திருடப்பட்டு அறை காலியாக இருந்ததாம்.

இதுதொடா்பாக அவா் அளித்த புகாரின்பேரில், ஆறுமுகனேரி தலைமைக் காவலா் சேவியா் வழக்குப்பதிந்தாா். காவல் ஆய்வாளா் அமலோற்பவம் விசாரணை நடத்தி, அதே ஊா் மங்கள விநாயகா் கோயில் தெருவைச் சோ்ந்த கணேசன் மகன் சுரேஷை(21) கைது செய்தாா்.